Мектептегі бағалау жүйесі өзгермек

  • 02.02.2020
  • Malim Админ

Білім және ғылым министрлігі оқушылардың білімін бағалау жүйесін өзгертуі мүмкін. Өзгеріс қабылданып жатса, оқушылардың білімі жүз балдық жүйе бойынша бағаланады.

Бұл туралы білім және ғылым министрінің орынбасары Шолпан Қаринова мәлімдеді. "Жүз балдық жүйе университеттерде қолданылады. Мектептерді осы жүйеге көшіруді қарастырып жатырмыз. Сонда мектеп пен университеттің бағалау жүйесі бір болмақ. Бұрынғыдай "3", "4", "5" деген бағалар болмайды. Бірақ бұл мәселе бойынша түпкілікті шешімді алдағы айларда қабылдайтын боламыз. Педагогтар мен ата-аналарға қандай шешім қабылдағанымызды оқу жылының аяғына қарай хабарлаймыз", - деді вице-министр.

Бүгінде мектептер жиынтық бағалау жүйесі – ТЖБ және БЖБ-ға өткені белгілі. Ол жүйе бойынша ұстаздар жұмыстарды пайыздық көрсеткішпен бағалап, артынша пайызды дәстүрлі бағаға айналдырып есептейді. Бұл мәселеге араласқан депутаттар да министрліктен бағалау жүйесін тезірек реттеуді сұрады. Айта кететіні, ТЖБ мен БЖБ жүйесі ата-аналардың мен оқушылардың қолайына жаға бермейді.  Өйткені ата-аналар одан балаға көп салмақ түседі деген уәждерін келтірген. Дей тұрғанмен министрлік былтырғы жылдың қашрашасында оған өзгерту енгізіп, ТЖБ мен БЖБ тапсырылатын пәндердің санын азайтты. Мәселен, аптасына бір сағат жүретін пәндер бойынша ТЖБ мен БЖБ жарты жылда бір-ақ рет алынатын болады. Сондай-ақ бастауыш әскери дайындық пен информатика сияқты сабақтардан ТЖБ мен БЖБ орнына басқа бағалау жүйесі ендіріледі. Осы өзгерістердің арқасында балалар мен мұғалімдерге түсетін салмақ айтарлықтай азайды.

Фото: tengrinews.kz

Байланысты жаналықтар

Құрбан шалу – байға міндет, кедейге көмек...

14.07.2021

Аймағамбетовке ұсыныс – хиджаб киетін оқушылар онлайн оқысын

01.10.2020

Дариғаның өкілеттігін тоқтатуға құдасы да қол көтерді

04.05.2020

Мешітке отыз адамнан артық кіруге болмайды

12.06.2020

Мақтааралды оңалтуды үкімет комиссиясы мойнына алды

04.05.2020

Ерсұлтан мен Нұрсұлтан – «Шымкент барысы»

06.05.2021