129 күндік наразылық: Белсенділер халықаралық ұйымдардан араша сұрайды

Malim Админ

  • 16.06.2021

Алматылық белсенділер Қытайда қамауда отырған туыстарына араша сұрайды.

Бүгін Алматыдағы Адам құқықтары мен заңдылықты сақтау Қазақстан халықаралық бюросында баспасөз мәслихатын өткізген белсенділер 129 күннен бері Қытай консулдығы алдында наразылық акциясын өткізіп жатқандығын, бірақ әлі күнге дейін қарсы тараптан ешқандай жауап жоқ екенін айтты. Белсенді Байболат Күнболаттың сөзінше, Медеу аудандық полициясы қарсылық акциясына қатысқан азаматтарға қысым жасап, әкімшілік жазаға тартқан.

«Осында жиналып отырған адамдардың барлығы 129 күннен бері Алматыдағы Қытай консулдығы алдында қамаудағы туыстарын босатуды, дереу арада Қазақстанға қайтаруды талап етіп жүрген кісілер. Бұл кісілерді 2021 жылдың наурыз айының 15-інен бері Медеу ауданының полициясы консулдық алдына жібермей, кедергі келтіріп келеді. Бірнеше рет консулдық алдынан күш көрсетіп, қуып жіберді. Бұл кісілерді мамырдың 15-інен бастап бірнеше рет полиция ұстап, бес-алты сағат тергеуге алып, сот ашты. Бүгінге дейін 10 адамға 1 миллион 30 мың теңгедей айыппұл салынды. Туыстары Қытайдың геноцидіне ұшырап жатқан адамдарға «сіздер заңсыз пикет өткіздіңіздер» деп бір жақты қарау, негізсіз деп ойлаймын... Қазақстан сыртқы істер министрлігінен, адам құқықтарын қорғайтын барлық халықаралық ұйымдардан көмек сұраймыз», - деді Күнболат.

Жиынға қатысқан белсенділердің бірі Гүлфия Қазыбекқызы анасы Анахан Қазыбекқызының намаз оқығаны үшін 5 жылға сотталғанын айтады. Ол ешқандай қылмыс жасамаған 70 жастағы адамды соттау әділетсіз деп есептейді.

«Менің анам Анахан Қазыбекқызы 8 баланың анасы болатын. Ол кісіні үйде отырған жерінен алып кеткен. Бастапқыда анамды сөйлесеміз деп алып кеткен. Сегіз айдан кейін анамның 5 жылға бас бостандығынан айырылғаны жөнінде хабар келді. Оған намаз оқып, қоғам тыныштығын бұзды деген айып тағылған. Қазір әйелдер түрмесінде отыр. Жасы 70-ке келген адамды бес жылға соттау үлкен іс. Менің анам адам өлтіріп, тонап немесе бір қытайдың барып жағасынан алған жоқ», - дейді Қазыбекқызы.

Қытайда қысым көріп жатқан қазақ (аз ұлттар) мәселесі  2017 жылы басталған. Біріккен Ұлттар Ұйымының мәліметінше, осы уақытқа дейін 1 миллионға жуық адам саяси үйрену лагерьлеріне жабылған.

Байланысты жаналықтар

Ұшты, ұшты – әкім 26 миллионға ұшты

26.11.2020

Әкімге "ханның қызысыз ба?" деген белсенді сотқа тартылды

11.08.2020

Майлыбаевты емес, Арон мен Максты босату керек еді

10.06.2020

Тоқаев пен Мирзиеевқа ортақ кеңесші немесе Ақорда түсіндірмесі

15.09.2020

СІМ: Шымкентке Ауған босқындары келген жоқ

16.08.2021

«Күйеуімді ОМОН ұстап алып кетті»

21.08.2020
MalimBlocks
Ұшты, ұшты – әкім 26 миллионға ұшты

Әкімге "ханның қызысыз ба?" деген белсенді сотқа тартылды

Майлыбаевты емес, Арон мен Максты босату керек еді

Тоқаев пен Мирзиеевқа ортақ кеңесші немесе Ақорда түсіндірмесі

СІМ: Шымкентке Ауған босқындары келген жоқ

«Күйеуімді ОМОН ұстап алып кетті»