Аграршылар заманауи техникаларды көп сатып алып жатыр

  • 23.07.2021

Өткен жылы қазақстандық ауыл шаруашылығымен айналысатын аграршылар 15 мың техника сатып алыпты. Бұл туралы ауыл шаруашылығы министрінің бірінші орынбасары Айдарбек Сапаров Қазақстан Тәуелсіздігінің 30 жылдығы аясында Ақмола облысында John Deer маркасының Ауыл шаруашылығы техникасының толық желісіне қызмет көрсететін ТМД-дағы жалғыз сервистік орталықтың ашылу салтанатында айтты.

Қалай дегенде де, қазіргі ауыл шаруашылығын техникасыз елестету мүмкін емес. Әрине, жай техника емес, заманауи техника туралы айтып отырмыз. Ал, агроөнеркәсіптік кешеннің алдында еңбек өнімділігін арттыру, экспорт көлемін ұлғайту, шикізатты өңдеу, яғни, өнімді сол күйінде емес, одан белгілі бір тауар өнімдерін жасап барып, нарыққа шығару сияқты басты мақсаттар тұр. Бұл туралы президент те жиі айтып жүр. Осы тапсырманы тілге тиек еткен бірінші виуце-министр заманауи ауыл шаруашылығы техникасы мен цифрлық технологияларды пайдалану шығындарды азайтуға және өнімділікті арттыруға мүмкіндік беретінін айтады.

Пандемия жағдайында  әлем бойынша көптеген көрсеткіштер кішірейіп, көптеген салаларда дағдарыс басталғанына қарамастан, қазақстандық шаруалардың 15 мың техника сатып алуы нені білдіреді? Бұл жерде аздаған талдау жүргізсек, басты мәселенің ең алдымен жалпы халықтың нарыққа бейімделуінде жатқанын айта кету керек. Пандемия келген кезде көптеген елдерде азық-түлік тапшылығы байқалды. Тіпті, біраз елдерге Қазақстанның өзі гуманитарлық көмек жіберді. Бұл деген сөз, әлемде азық-түлікке сұраныс артты дегенді білдіреді. Демек, сұраныс көбейген жерде баға өсетіні заңдылық. Баға өскен тауарды өндіру, өңдеуді меңгеру және дер кезінде нарықты тап басып тани білу – бизнестің басты шарты болса керек. Демек, тауардың бағасы бірнеше есеге өскенін көрген жұрт, жаппай шаруашылығын дамытуға, заманауиландыруға күш салып жатыр деген сөз. Бұл ғана емес, бұл жерде ауыл шаруашылығы саласына мемлекеттің де көрсетіп жатқан қолдауын айта кету керек. Соңғы жылдары тек тұқым, жер сатып алу үшін ғана емес, техника сатып алу үшін де субсидия қарастырғанын білеміз. Осындай жағдайлардан кейін техника сатып алу көрсеткіші бір жыл бұрынғыдан 28 пайызға артқан. Ал, Айдарбек Сапаровтың сөзіне қарағанда, биылғы көрсеткіш былтырғыдан да жоғары болады.

«2020 жылы ауыл шаруашылығы тауарын өндірушілер 15 мыңнан астам техника сатып алған, бұл 2019 жылғы деңгейден 28% - ға артық. Ал биылғы жылдың 5 айында «ҚазАгроҚаржы» бойынша аграршылар 83,2 млрд теңгеге 4 500 бірлік техника сатып алды, бұл 2020 жылдың ұқсас кезеңімен салыстырғанда 2 есе көп. Бастапқы жарна ретінде пайдаланылатын инвестициялық субсидия түріндегі мемлекеттік қолдаудың және салалық мемлекеттік қаржы ұйымдарын несиелендірудің жеңілдетілген бағдарламаларының арқасында сатып алу қабілеті артып келеді», - дейді министрлік өкілі.

Қазір бұрынғыдай сарылып, уақыт күтіп отыратын кез емес, қазір бәрі жылдам әрі сапалы іске асқанын қалайды. Мәселен, бұрын қозының қойға айналуын үш жыл күтсе, қазір, қойдың салмағын қозының өзі 5-6 айда бере алады. Қозының еті бір жағы дәмді, бір жағы сапалы екенін ескерсек, бұл еттің бағасы да жоғары болады. Сол сияқты, жерді тиімді пайдаланып, жазғы егін ғана емес, қыс бойы да пайдаланып, оларды бір бірімен алмастырып отыру, оны күтіп-баптау үшін жаңа технология мен техникаларды пайдалану өнім көлемін ғана емес, сапасын да арттыра түсетін нәрсе. Осы жағынан алғанда ауыл шаруашылығы өндірісін тиімді жүргізу үшін қазіргі заманғы жаңа технологияларды енгізіп, бұл өз кезегінде нақты егіншілік жүйелерді қолдана отырып, өнімділігі жоғары жаңа ауыл шаруашылығы техникасын пайдалану керек.

 «Фермерлеріміз үшін, әсіресе егін егу және егін жинау жұмыстары кезінде қарапайым техниканың қаншалықты маңызды екенін бәріміз білеміз. Сондықтан мұнда қосалқы бөлшектерді уақтылы жеткізу және жылдам сервистік қызмет көрсету маңызды. Бүгін біз Орталық Азиядағы ең ірі "Джон Дир" сервистік орталығын ашып отырмыз, ол дегеніміз қарапайым техниканың ұзақ уақыт тоқтап қалмауына мүмкіндік береді. Қазақстан үлкен аграрлық ел ретінде өзінің ауыл шаруашылығы техникаларын жасауды дамытуда. Джон дир сияқты әлемге әйгілі компания Қазақстанның машина жасау саласының драйвері болар еді. Бұл үшін мемлекеттік қолдау бойынша да, жинақталған өткізу бойынша да барлық жағдай жасалған», - дейді Айдарбек Сапаров.  

Техниканы сатып алу үшін, әлбетте, оның тілін білу керек. Осы жағын да ескере отырып, алдағы уақытта ауыл шаруашылығы мамандарының қызмет көрсету ауқымын кеңейте түсуге тура келеді. Өйткені, жаңа техника неғұрлым көп келген сайын, оған талап ететін қызмет түрлері де арта түседі. Құрал-сайманмен қамтамасыз ету, жөндеу жұмыстарының өзі өзінше бір бизнес екенін ескерсек, бұл басқа саладағы адамдарды да жұмыспен қамту бойынша кәдімгідей көмек болатыны анық.

Байланысты жаналықтар

Жайылым кең болса, мал да көбейеді, ет өндірісі де артады

18.03.2021

Сенатор:Пандемияға қарамастан Шымкент құрылысы қарқынды  

04.05.2021

Ешкіден 42 түрлі өнім алып отыр

25.03.2021

50 мың шағын несие 500 мың адамды жұмыспен қамтиды

04.03.2021

Қазақстанда тағы бір банк лицензиясынан айрылды

18.09.2020

Жамбылда егістік көлемі ұлғайды

27.05.2021
MalimBlocks
Жайылым кең болса, мал да көбейеді, ет өндірісі де артады

Сенатор:Пандемияға қарамастан Шымкент құрылысы қарқынды  

Ешкіден 42 түрлі өнім алып отыр

50 мың шағын несие 500 мың адамды жұмыспен қамтиды

Қазақстанда тағы бір банк лицензиясынан айрылды

Жамбылда егістік көлемі ұлғайды