Киік қырғандар құрықталуы тиіс

  • 11.04.2020
  • Malim Админ

Қызылорда облысында кәнігі браконьерлер 54 киікті атып, мүйіздерін кесіп алған. Олар қаланың блокпостынан да айналып өткен.

11 сәуір күні түнгі сағат 00:10 «ОХОТЗООПРОМ» инспекторлары кезекті рейд кезінде Қызылорда облысындағы Досан ауылының тұсынан екі Тойота Ленд Крузер көлігін көреді. Олар қаладағы блокпостты айналып өткен.

Жүргізушілер инспекторларды байқап қалып, күріп алқабымен қашқан. Олардың ізіне түскен инспекторлар жедел ұстау жұмысына кіріседі. Қашып бара жатып, бір көлік аударылады, бірақ олар екінші көлікпен қашып үлгереді.

Тексеру кезінде көліктен 54 киіктің тушасы, 224 кесілген мүйіз, МР-153 маркалы аңшылық мылтық, 25 оқ, пышақ пен дүрбі табылған.

Қолға түскен көлік аңшылыққа арнап жабдықталған. Мемлекеттік нөмері де бұрын тіркеуден шығарылған. Бұл заңсыз аңшылықты кәсіпке айналдырған әккі браконьерлер ұайымдастырғаны белгілі.

Қызылорда облысының полиция департаменті жедел істестіру жұмысын бастап кетті. Бұл қылмыс Қазақстан Республикасының Қылмыстық Кодексінің 339 бабы бойынша тіркелді» деп жазды Орман шаруашылығы және жануарлар әлемі комитетінің баспасөз хатшысы Сәкен Дилдахмет.

Бұл өте ауыр қылмыс. Ең бірінші заңсыз аңшылық жасап отыр. Екіншіден елімізде 2023 жылға дейін киік атуға тыйым салынған. Тіпті, үшіншіден елдегі карантинге қарамай, блокпосты айналып өткен. Қылмыскерлер ұсталып, жазаларын алады деп ойлаймыз.

Байланысты жаналықтар

Министр: «Биыл бір қаладан асатын үй салынады»

24.03.2020

Қазақстанда коронавирустан он адам қайтыс болды

20.12.2020

Дәулеткерей Кәпұлы: Жер мәселесі солқылдақтықты көтермейді

09.04.2021

Сарайшық қаласы туристік орынға айналуы керек

22.04.2021

Мәжіліс Сенаттың түзетулерімен келісті

20.05.2020

Әлия Назарбаеваның қайырымдылығы жыл мезгілдері сияқты

14.09.2020