Тоқаев төтенше жағдайға байланысты мәлімдеме жасады

  • 11.05.2020
  • Malim Админ

Қазақстанда коронавирусқа байланысты жарияланған төтенше жағдай уақытының аяқталуына (16.03.2020-11.05.2020) байланысты президент Қасым-Жомарт ТОҚАЕВ мәлімдеме жасады. Оның ауынша төтенше жағдай уақыты аяқталғанмен, Қазақстан бойынша карантин режимі сақталатынын айтты. Бұл туралы Malim.kz сайты президенттің баспасөз хатшысы Берік УӘЛИГЕ сілтеме жасап хабарлайды.

Уәли өзінің Facebook-тағы ресми парақшасында Тоқаевтың Төтенше жағдай режимін қамтамасыз ету жөніндегі мемлекеттік комиссияның қорытынды отырысында пандемияның қаупі әлі де сейілмегенін айтқанын хабарлады.

"Бүгін бүкіл ел аумағындағы төтенше жағдай режимі аяқталды. Алайда, кейбір аймақтарда дерттің таралуы бәсеңдемей отыр.Індет толығымен жойылып кеткен жоқ. Пандемия халықтың денсаулығына әлі де қауіпті. Сондықтан карантиндік шектеулер әр өңірдегі жағдайдың жақсаруына қарай біртіндеп алынады" – деді Мемлекет басшысы Қасым-Жомарт Тоқаев Төтенше жағдай режимін қамтамасыз ету жөніндегі мемлекеттік комиссияның қорытынды отырысында», деп жазды Уәли.

Айта кетейік, төтенше жағдай 2 рет ұзартылды. Соңғы мәлімет бойынша Қазақстанда коронавирус жұқтырғандар саны – 5126; жазылып шыққандар – 1941; қайтыс болғандар – 31 адам.

Байланысты жаналықтар

Шымкент вакцина салдырудан көшбасшы

20.05.2021

Үшінші мегаполисте заңсыз құрылысқа жол жоқ

10.03.2021

Ауыл партиясы ауылға жанашыр болса, Қызылағашқа келсін

21.01.2021

Жаркент әжетханаға айналды

18.06.2020

Жол да бар, жұмыс та бар: елорда инфраструктурасы тиімді дамиды

10.02.2021

Табиғат ресурстарын сақтау мен қорғау

03.02.2020