Темекі коронавирустан қорғай ма, асқындыра ма?

Malim Админ

  • 12.05.2020

Коронавирус туралы дақпырт көп. Соның бірі – темекінің коронавирустан қорғайтыны. Әрине, бұл болжам ғана болса да, вирус сонау Қытайда пайда болғаннан бастап, бейресми статистикалық мәліметтер – коронавирус жұқтырғандардың арасында темекі шегетіндердің аз екендігін айтып келген. Тіпті, француз ғалымдары коронавируспен ауырғандар арасында темекі шегетіндердің аз екенін айтып, оны әлемдік БАҚ іліп әкетті.

Мәселен, статистика бойынша Францияның 25,4% тұрғыны темекі тартатын болса, француздар сұрау салған 11 мың науқастың тек 8,5%-ы ғана темекі тартатыны анықталған. Пайыздық айырмашылық расында үлкен.

Мүндай болжам француздар болжамай тұрып та жұрт арасында жүргенін ескерсек, коронавирустан қорғанудың бір жолы – темекі шегу деген түсінік қалыптасуы мүмкін ғой. Бірақ, Дүниежүзілік денсаулықсақтау ұйымы мұнымен келіспейді. ДДҰ  өкілінің айтуынша, бұл вирус тыныс алу жолдарының ауруы болғандықтан, оны темекімен емдеу ақылға қонымсыз. ДДҰ төтенше аурулар бөлімшесінің басшысы Мария Ван Керкхове брифингте журналистердің қойған сұрағына жауап беріп, темекінің өзінен ғана жылына миллиондаған адамның қайтыс болатынын алға тартты.

«COVID-19 –тыныс алу жолдарының ауруы, ал темекі – өкпенің жұмысына зиян келтіреді. Жарияланған бірқатар зерттеулер темекі шегу – аурудың (коронавирус инфекциясының) әлдеқайда ауыр формасына әкеліп соғады, - деді ол.

Сарапшы, сонымен бірге, ауруханаға жатқызылғанжар арасында темекі шегетіндердің аз екендігіне де сенбеуге шақырды. Оның сөзінше, бұл нақты зерттелмеген, дәлелсіз болжам ғана. Ғылыми негізі жоқ.

Ол сондай-ақ, мұның артында осы салаға (темекі бизнесі) қатысы бар адамдар тұруы да мүмкін екенін айтты. Әлдебір көлденең сөзді темекі тартатындар іліп әкетіп, жақпыртқа айналдырып жіберген көрінеді...

 

Байланысты жаналықтар

Тұрмыстық тауарларды өзіміз өндіре аламыз

24.03.2020

Тышқан - ханша (француз ертегісі)

01.04.2020

Атырау облысында 149 адам коронавирус жұқтырды

05.01.2021

Коронавирустан он сегіз адам жазылды

28.03.2020

Данияр Саламат: Ақтоты Райымқұловаға екі ұсыныс

16.03.2020

Пневмониямен ауырып жатқандарға оттегі жетіспейді

09.07.2020
MalimBlocks
Тұрмыстық тауарларды өзіміз өндіре аламыз

Тышқан - ханша (француз ертегісі)

Атырау облысында 149 адам коронавирус жұқтырды

Коронавирустан он сегіз адам жазылды

Данияр Саламат: Ақтоты Райымқұловаға екі ұсыныс

Пневмониямен ауырып жатқандарға оттегі жетіспейді