42 500 алуға қайта өтініш беруге болады

  • 25.05.2020
  • Malim Админ

42 500 теңге көлеміндегі әлеуметтік көмекті ала алмағандар қайта өтініш бере алады. Бұл туралы Еңбек және халықты әлеуметтік қорғау министрлігінің баспасөз қызметі хабарлады.

Мұндай өтініштерді кезінде өтініш берген, бірақ, министрлік тарапы қабылдамаған азаматтар бере алады. Ол үшін жергілікті штабқа барып, қайта жазу керек.

«42 500 теңге» әлеуметтік төлемі тағайындалмаған азаматтардың өтініштерін қайта қарау тәртібі бекітілді.

Бұрын «42 500 теңге» әлеуметтік төлемін тағайындаудан бас тарту туралы шешім қабылданған өтініштерді қайта қарау үшін аудандық (қалалық) штабқа растайтын құжаттармен қоса тиісті өтініш беру қажет», делінген министрлік хабарламасында.

Министрлік ұсынған тізім бойынша өтініш бере алатын, яғни, 42 500 теңгені алуға мүмкіндігі бар тұлғалар мыналар:

«Жұмыс беруші тарапынан – ШОБ, ірі кәсіпкерлік (карантин енгізілген өңірлерде), коммерциялық емес заңды тұлғалар үшін. Бұл ретте өтініш тек әлеуметтік төлем тағайындаудан бас тарту (тоқтату) туралы шешім қабылданған қызметкерлер үшін беріледі.

Өз бетінше – әлеуметтік төлемді тағайындаудан  бас тарту (тоқтату) туралы  шешім қабылданған жеке кәсіпкерлер, жеке практикамен айналысатын адамдар, БЖТ төлеушілер, азаматтық-құқықтық сипаттағы шарттар (бұдан әрі – АҚС) бойынша жұмыс істейтін адамдар».

Бұл өтініштерді қарастыру жыл аяғына дейін созылатын сияқты. Өйткені, министрлік «адамдардың жаппай жиналуына жол бермеу мақсатында өтініштер 2020 жылғы 1 желтоқсанға дейін қаралатынын» айтып отыр.

Байланысты жаналықтар

Қырғыз депутаты: Қазақтар шекарадан өткізу үшін ақша сұрайды

11.06.2021

Солтүстікте ауыл мен көше аттары қазақыланады

14.01.2021

Тамызда жаңа мектеп ашылады

08.04.2021

Қордай оқиғасына қатысы бар ағайынды 3 жігіт қамауға алынды

18.02.2020

«Хан қызы» берген «скорыйлар» қар астында тұр

03.12.2020

Қостанайда қоныс тойы көбейе ме?

12.04.2020