Белгілі футболшы, комментатор Диас Омаров қайтыс болды

  • 05.07.2020
  • Malim Админ

Қазалы хабарды Ақпарат және қоғамдық даму министрі Аида Балаева фейсбук парақшасында хабарлады.

«Бүгін қазақ журналистикасы тағы бір жарық жұлдызынан айырылды. Сексенге қараған шағында елге әйгілі спортшы, атақты футбол комментаторы Омаров Диас Ілиясұлы дүниеден өтті. Бүкіл саналы ғұмырын спортқа арнап, спорт журналистикасының өркендеуіне өлшеусіз үлес қосқан Диас Ілиясұлының өнегелі өмірі барша журналистер қауымына үлгі болып қалады. Бұл дүниеде мәңгілік ештеңе жоқ. Алайда, дана халқымыз «Жақсының аты өлмейді, ғалымның хаты өлмейді» дейді.

Диас Ілиясұлының сонау кеңес заманындағы «Советскиий спорт», «Труд» газеттерінде жарияланған дүниелерінен бастап, «Қазтелерадиодағы» комментаторлық жанкешті еңбегі, еліміз Тәуелсіздік алғаннан кейінгі «Хабар» арнасы секілді республикалық телеарналардағы спорт журналистикасының тасын өрге сүйреп, өз кәсібіне адал қызмет етуі барша журналистер қауымына үлгі-өнеге дер едік.

Орны толмас ауыр қазада марқұм Диас Омаров ағамыздың отбасы мен туған-туыстарының қайғысына ортақтасып көңіл айтамыз. Марқұмның иманы жолдас болып, пейіште нұры шалқысын», – деді министр.

Байланысты жаналықтар

Ояныңдар, қалмақтар

04.06.2020

Қуанышбек Ысқақовтың алғашқы "спектаклі"

19.02.2020

Амандық Баталов: Маған демагог керек емес

19.02.2020

Бейсекеңнің қадірін білмедік

04.12.2020

ЛГБТ-жастары: әр күніміз үрей мен қорқыныш

20.01.2021

Жұрт дәрі таппай әлек, бұлар фейерверк атады

06.07.2020