Әкім Әбдіқалықова, сіз ханның қызысыз ба?

  • 16.07.2020
  • Абай Нұржанұлы

Қызылорда облысы, Жаңақорған ауданының тұрғыны облыс әкімі Гүлшара Әбдіқалықоваға «жолдарды жаптырып жүретін ханның қызысыз ба?» деп ұрысып тастады. Тұрғын ауданда әкімнің еркін жүруі үшін ауруханаға апаратын көшедегі көліктерді бөгеп тастады деп наразылығын айтты. Ашуға мінген тұрғын мен әкім Әбдіқалыкованың диалогы әлеуметтік желіде тарап кетті.

-Больницаға келе жатыр деп маршрутты тоқтатып, жолды жауып тастады. Сіз әлде ханның қызысыз ба? Халықты қорлайсыздар. Келе салып әшейін кетесіздер,халықпен бірге емессіздер, - деді Жаңақорған кентінің тұрғына әкімге. 

Видеода облыс басшысы «мен жолды жаптырған жоқпын»- деп ақталып, көлігіне қарай асығып бара жатқаны көрінеді. Әлеуметтік желіге осы даулы көріністен бөлек  жалғыз полицейдің қоғамдық көлікті тоқтатып тұрған жазбасы да жүктелді. Онда тәртіп сақшысы автокөліктің алдына тұрып алып, көліктің жүруіне кедергі келтіріп тұрғаны байқалады. Бұған қатысты полиция департаменті қоғамдық көлікті себепсіз тоқтатты деп полиция бөліміне қатаң сөгіс беріпті. Ал  бүгін Жаңақорған ауданының ауруханасын көруге барған облыс әкімі, түстен кейін болған жағдайға қатысты желі арқылы жауап берді.

-Мен жолды жабуға тапсырма берген жоқпын. Аудан әкімі де жолды жабуға тапсырма берген жоқ. Ішкі істер бөлімінің басшысы да ондай тапсырма бермеген. Сол жердегі учаскелік полицияның тапсырмасы болса, cолардың іс-әрекеті болса, онда мен облыстық полиция департаментіне тапсырма бердім сол әрекеттің қаншалықты дұрыстығын білуге, - деп жазды Қызылорда облысының әкімі Гүлшара ӘБДІҚАЛЫҚОВА.

[embed]https://youtu.be/N_DDznKcNYk[/embed]

 

Фото: novosti.az

Байланысты жаналықтар

В ШЫМКЕНТЕ СОСТОЯЛАСЬ ОЧЕРЕДНАЯ КОНФЕРЕНЦИЯ ФИЛИАЛА ПАРТИИ «NUR OTAN»

12.05.2021

Жаңа жетістіктерге бірге жетеміз

15.12.2020

Алматыда Назарбаевтың суретін өшіріп тастады

12.06.2021

Тоқаев үкімет туралы жарлыққа қол қойды

15.01.2021

Президент Мәмидің күйеубаласына ескерту жасады

29.06.2020

"Тақ мұрагері болмайтын болды"

02.05.2020