Қызылорда облысының бұрынғы әкімі Қуанышбек ЫСҚАҚОВ ісіне қатысты сотқа дейінгі тергеу амалдары аяқталды. Бұл туралы ҚР Сыбайлас жемқорлыққа қарсы іс-қимыл агенттігі 1-ші департаментінің аса маңызды істер жөніндегі тергеушісі Данияр БИГАЙДАРОВ мәлімдеді.
«Сыбайлас жемқорлыққа қарсы іс-қимыл агенттігі Қызылорда облысының экс-әкімі мен өзге де әкімдіктегі лауазымды қызметкерлерге қатысты тергеу жүргізді. Қазір тергеу амалдары аяқталып, іс Қызылорда қалалық №2 сотқа жіберілді», - деді Бигайдаров.
Қуанышбек ДОСМАЙЫЛҰЛЫ 2020 жылдың 27 наурыз күні ұсталып, уақытша тергеу абақтысына қамалған еді. Сондай-ақ, орынбасары Марат ДЕЛМҰХАНОВ және қос кәсіпкер Жеңісбек ЫСҚАҚОВ, Азат ДОСМАЙЫЛОВ ұсталған еді. Бұрынғы облыс басшысына ірі көлемде алаяқтық жасағаны үшін Қылмыстық кодекстің 190-бабы, 4-бөлігінің 2-тармағы бойынша айып тағылған.
Отандық БАҚ-ры экс-шенеунік Арыс қаласына қайрымдылыққа жиналған 80 млн теңгені қолды етті деп жазған-ды.
Биылғы жылдың 28-наурызында мемлекет басшысы Қасым-Жомарт ТОҚАЕВТЫҢ жарлығымен Қуанышбек Ысқақов қызметінен кетіп, оның орнына Гүлшара ӘБДІХАЛЫҚОВА тағайындалды. 30-наурызда экс-әкім тергеу абақтысынан үй қамаққа ауыстырылғаны туралы ақпарат жарияланды.
Енді күдікті экс-шенунік соты №2 Қызылорда қалалық сотында қаралады. Нұрсұлтан НАЗАРБАЕВ президент кезінде істі болған жоғарғы лауазымды шенеуніктер үнемі мемлекет басшысынан сотта кешірім сұрайтын. Бұл жолы экс-әкім Ысқақов Тоқаевтан кешірім сұрай ма екен?
Байланысты жаналықтар
MalimBlocks
