Әкім Әбдіқалықова Олжас Сүлейменовті мақтады

  • 29.08.2020
  • Malim Админ

29 тамыз – Халықаралық ядролық сынақтарға қарсы күн. Бұл күнді 2009 жылы БҰҰ белгілеген. Бүгін Қызылордада облыс әкімі Гүлшара ӘБДІҚАЛЫҚОВА, қала басшысы Нұрлыбек НӘЛІБАЕВ бастаған сыр елінің азаматтары Семей ядролық полигонынан зардап шеккендердің рухына тағзым жасады. .

Сондай-ақ, облыстық Невада-Семей қоғамдық бірлестігінің төрағасы Сәбит ӘБІШ, қалалық Невада-Семей қоғамдық бірлестігінің төрағасы Нұрлан МӘДЕЛИЕВ пен «Ақмешіт-Сырдария» мешітінің бас имамы Болатбек ӘБУОВ, ардагерлер кеңесінің төрағасы Серік ДҮЙСЕНБАЕВ та бұл шараға қатысып, «Семей атом полигоны 1949-1989 жж.» мемориалына гүл шоқтарын қойды.

«Елбасының Жарлығына сәйкес Семей полигоны жабылған болатын. Бұл полигон талай жұртқа қасірет алып келді. Осы 40 жыл ішінде 467-ден астам ядролық сынақ өткізілді. Бұл сынақтардың әсері әлі күнге дейін сезілуде. Полигон біздің елде алғашқы болып жабылды. Бұл шешім адамзат тарихындағы бұрын-соңды болмаған ядролық сынақтарға алғашқы заңды тыйым ретінде ғана емес, сонымен бірге Халықаралық күнді белгілеу үшін маңызды негіз болды. Семей жеріндегі ядролық сынақтарды тоқтатуды 1989 жылы халқымыздың біртуар ұлдарының бірі Олжас Сүлейменовтің бастамасымен құрылған «Невада-Семей» қозғалысы көтерді. Қаза болған бауырларымызды әрдайым ұмытпаймыз, еске алып, тағзым етеміз», - деді облыс әкімі Гүлшара Әбдіқалықова.

Естеріңізге сала кетейік, 1991 жылдың 28 тамызында  экс-президент Нұрсұлтан НАЗАРБАЕВТЫҢ Жарлығымен полигон сынағы жабылды. 1992 жылдың мамырында оның базасында Курчатов қаласындағы Ұлттық ядролық орталық құрылды. 18 млн гектар жерде болган полигон зардабын жарты миллионан астам халық тартты.

Фото: facebook.com

 

Байланысты жаналықтар

Қордай оқиғасына қатысы бар ағайынды 3 жігіт қамауға алынды

18.02.2020

Қайтыс болған дәрігерлердің отбасы Тоқаев айтқан 10 миллионды алған жоқ

16.07.2020

Саяси қуғын-сүргін құрбандарын толық ақтайтын ғылыми бағдарлама әзірленді

09.04.2021

Қазақстанда парламенттік оппозиция бола ма?

06.05.2020

Жамбыл ауданына кәсіпкерлер жәрдемдесті

21.07.2020

Қазақстанда жаңа Халық партиясы пайда болды

11.11.2020