Кәсіпкерлікті дамыту мен зардап шеккен бизнес салаларын қолдау тоқтамайды

Malim Админ

  • 07.08.2020

Үкіметте премьер-министр Асқар Маминнің қатысуымен кәсіпкерлікті дамыту мәселелері қаралды. Кәсіпкерлік мәселелері жөніндегі Жобалық офистің отырысында «Қарапайым заттар экономикасы» бағдарламасы бойынша қазірге дейін атқарылған жұмыстар, «Самұрық-Қазына» «ҰӘҚ» АҚ бойынша мемлекеттік сатып алулар, жер қойнауын пайдаланушылардың сатып алуларындағы жергілікті қамту мәселесі, сонымен қатар, карантиндік шаралар салдарынан көп зардап шеккен салалардағы бизнес субъектілеріне жүргізілген сауалнама нәтижесі мен алдағы уақытта бизнесті дамыту мәселелерді сөз болды.

Үкімет мүшелері, өңір әкімдері мен «Самұрық-Қазына» ҰӘҚ» АҚ, «Атамекен» ҰКП, «Бәйтерек» ҰБХ» АҚ, «Даму» КДҚ, «Аграрлық несие корпорациясы» АҚ, Қазақстан қаржыгерлері қауымдастығының басшылары, өңірлік кәсіпкерлер палаталары өкілдері қатысқан отырыстағы мәліметтерге сүйенсек, биылғы жылдың 1 тамызына дейін «Қарапайым заттар экономикасы» жеңілдікті несиелендіру бағдарламасы аясында 2201 жоба мақұлданып, оған 504 миллиард теңге қарастырылып, 292 млрд теңгеге 1628 жоба субсидияланған. Бұл бағдарлама бойынша Елорда мен Алматы қалалары, Жамбыл, Қостанай облыстары белсенділік танытса, Павлодар, Қызылорда, Атырау облыстарында динамика төмен болған.

Қаңтар мен шілде аралығында «қарапайым заттар экономикасы» бағдарламасы аясында 4,9 триллион теңгеге мемлекеттік сатып алулар өткізілген. Бұл сала бойынша жергілікті қамтудың басым бөлігі Алматы, Шығыс Қазақстан, Солтүстік Қазақстан, Атырау, Қарағанды, Түркістан облыстарына тиесілі болса, Жамбыл облысында және ел астанасында төменгі көрсеткіш тіркеліп отыр.

Осыған байланысты, үкімет басшысы өңірлік жобалық офистердің жұмысын жандандыру керек екенін алға тартады. Ол өңірлердегі жобалық офистер жақсы жұмыс істеп, кәсіпкерлерді қолдау күшейтіліп, түрлі кедергілер жойылуға тиіс деп тапсырма берді.

Сондай-ақ, Қаржы нарығын реттеу және дамыту жөніндегі агенттік пен Қазақстан қаржыгерлері қауымдастығы бірлесе жұмыс істеуге міндетті. Тамыздың соңына дейін екінші деңгейлі банктердің несие беру мәселелер бойынша жеңілдіктерді пысықтап, бизнес иелерімен тығыз қарым-қатынаста жұмыс істеуді күшейту мәселесі де айтылды. Ол үшін аймақ әкімдіктері атқарған жұмыстарына есептілікті күшейтіп, жауапкершілікпен жұмыс істеуі тиіс.

Аталған қолдау аясында отандық тауар өндірушілерді қолдау да жалғасын табуы керек. Бұл тарапта «Самұрық Қазына» мен «Атамекен» арқылы екі апта ішінде зардап шеккен кәсіпкерлерді қолдауды күшейту бойынша ұсыныстар әзірленуге тиіс. Бұл мәселелер жоғарыда айтылған ең көп зардап шеккен экономика секторларды анықтау бойынша жүргізілген сауалнама негізге алынғанын айта кету керек.

Байланысты жаналықтар

Казахстанцам разрешат находиться в Узбекистане без регистрации подольше

28.03.2024

Қазақстанда жылқы еті қымбаттады

12.03.2024

Қазалы кәмпиті экспортқа шығарылады

12.03.2024

Неліктен 255 мың теңге мобильді аударым тексерілетіні белгілі болды

07.03.2024

3 ай қатарынан 100 аударым сомасы 255 мыңнан асса, кәсіпкерден жауап алынады – Қаржы министрлігі

07.03.2024

Қазақстандықтардың салық берешегі кешірілуі мүмкін бе - Қаржы министрлігі жауап берді

07.03.2024
MalimBlocks
Казахстанцам разрешат находиться в Узбекистане без регистрации подольше

Казахстан и Узбекистан увеличивают сроки пребывания своих граждан на территории своих государств без регистрации с 5 до 30 дней. При этом временная регистрация не понадобится. Соответствующее соглашение с Узбекистаном ратифицировали депутаты сената в четверг, 28 марта.

Қазақстанда жылқы еті қымбаттады

Қазы бағасы 4,8%, жая 2,5%-ға өскен.

Қазалы кәмпиті экспортқа шығарылады

Неліктен 255 мың теңге мобильді аударым тексерілетіні белгілі болды

Бұ ең төменгі жалақы мөлшерімен (85 мың) есептелген.

3 ай қатарынан 100 аударым сомасы 255 мыңнан асса, кәсіпкерден жауап алынады – Қаржы министрлігі

Қазақстандықтардың салық берешегі кешірілуі мүмкін бе - Қаржы министрлігі жауап берді