Қажыгелдин биографиясында жетістік жоқ Келімбетов және басқалар туралы

Malim Админ

  • 22.09.2020

Қазақстанда экономикалық реформа жасайтын адам жоқ. Бұл туралы Zona.kz сайтына берген сұхбатында шетелде тұрып жатқан оппозиционер Әкежан ҚАЖЫГЕЛДИН айтты.

Қажыгелдиннің айтуынша,үкімет пен мемлекеттік органдарда отырғандардың бәрі шетінен миллионер, олардың арасында «қарындаш ұстап келдім, қарындаш ұстап кетем» дейтін адам жоқ.

«Бұл үкімет те, реформа бойынша Жоғарғы кеңесте отырған анау адамдар да нақты бір реформа ұсына алмайды, өйткені, олардың бәрі әртүрлі ипостаста тұрып халыққа қарсы саясат жүргізген, бір «группаның» адамдары. ...Қаншама өзін өзі ақтамаған, тек ақша тонау үшін ұсынылған жобалар болды? ...Экономиканы түбегейлі қайта құру үшін ақша керек. Ал бізге әлі қарызымызды қайтару керек», - дейді саясаткер.

Ол Қазақстанның дүниежүзілік банктен емес, Қытайдан қарыз ала беретінін алға тартады, өйткені, Қытай көп есеп талап етпейді...

Және Ақорда мен Кітапхананың айналасында бұл жағдайды өзгерте қоятындай ешкім жоқ. Тіпті, Тоқаевқа жағдайдың шынайы бейнесі жетпеуі де мүмкін дегенді айтады. Тоқаевқа кеңесші болып тағайындалған Чакрабарти де көп нәрседен хабарсыз күйі қалады.

«Ол жаққа ешқандай шынайы статистика жетпейді, оны не жасырып қалады, не расында білмейді. Сондықтан, Сэр Сума Чакрабарти ақылды түр жасап алып отырады және асып кетсе классикалық үлгідегі жалпылама кеңес береді. Бірақ, басты мәселе мұнда емес, реформаны кім жасайды, мәселе сонда. Өз активтерін қорғаштап, артын жабумен әуре болып жүрген Тимур Құлыбаев жасайды деймісіз? Әлде бүкіл биографиясында бір де бір жетістік жазылмаған Қайрат Келімбетов жасай ма? Банк жүйесінің коллапсқа ұшырауы соның мойнында, банк жүйесін «сауықтыру» соның мойнында, әсіресе БТА банк, оның мойнында тағы қаншама дүние бар. Міне, осы адам келеді де реформаның «басты ақылманы» болып тағайындалады».

Қажыгелдин сұхбатында Қазақстандағы қос билік жайлы да айтады. Тіпті, билікке былтыр келген Тоқаев аппараттағы адамдарды әлі зерттеп бола алмай жатыр. Оны зерттеп болмай ол ештеңе де істей алмайды. Егер, «зерттеу» тағы созыла берсе, кез келген уақытта орнына басқа адамды отырғыза салуы мүмкін деген пікір айтады. Ал, қуаяқтар Назарбаев арқылы шаруасын шешуге тырысады. Тіпті, дағдарыстан шығу туралы өз ұсыныстарын айтып, Назарбаевқа барушылар аз емес. Сөйтіп, бір күні Назарбаев «өзінің дағдарысқа қарсы бағдарламасын ұсына қойып, екінші президенттің игі мақсаттарын «жерлей» салу да ғажап емес».

Сұхбатта алда келе жатқан Парламент сайлауы туралы да сөз болады. Осылай жалғаса берсе, ондағы негізгі ұран – жерді шетелдіктерге мүлде жалға бермеу мен шетелге шығарылған ақшаларды қайтару болуы мүмкін. Мұны депутаттар мен халық көшеге шығып талап етеді. Өйткені, Ұлттық қорда билік айтып жүрген қаржы қалмаған.

«Ұлттық қорда біз естіп жүрген ақша баяғыда-ақ жоқ болған. Тоқаев бұл туралы біле ме? Күмәнім бар. Оған шынайы суретті көрсетуге үкіметтік экономистерінің де, одан тыс тұрғандардың да батылы жетпейді».

Қазақстанның экс-премьер-министрі, 1998 жылдан бері шетелде тұрып жатқан Қажыгелдин білгенді Тоқаев шынымен білмей ме? Әйтеуір, сұхбаттың соңында ендігі таңдау Тоқаевтың өзінде екенін тағы бір қайталап айтыпты.

Коллаж: Malim.kz

Байланысты жаналықтар

Ақорда «Жер сағаты» экологиялық акциясына қатысты (ВИДЕО)

24.03.2024

Қасым-Жомарт Тоқаев Ресей халқына қайғырып көңіл айтты

23.03.2024

Ресейдегі теракт: Тоқаев Қауіпсіздік Кеңесінің мүшелерімен жиын өткізеді

23.03.2024

Тоқаев жұмыс сапарымен Алматы қаласына барды

20.03.2024

Назарбаевтың інісі Самат Әбіш шартты түрде 8 жылға сотталды – Депутат

20.03.2024

Мешіт салатындардың ниеті түзу, бірақ мектеп салу маңыздырақ – Мемлекет басшысы

15.03.2024
MalimBlocks
Ақорда «Жер сағаты» экологиялық акциясына қатысты (ВИДЕО)

Қасым-Жомарт Тоқаев Ресей халқына қайғырып көңіл айтты

Ресейдегі теракт: Тоқаев Қауіпсіздік Кеңесінің мүшелерімен жиын өткізеді

Тоқаев жұмыс сапарымен Алматы қаласына барды

Назарбаевтың інісі Самат Әбіш шартты түрде 8 жылға сотталды – Депутат

Бұл туралы Ермұрат Бапи әлеуметтік желідегі парақшасында жазды.

Мешіт салатындардың ниеті түзу, бірақ мектеп салу маңыздырақ – Мемлекет басшысы

Бұл туралы Қасым-Жомарт Тоқаев Ұлттық құрылтайдың үшінші отырысында айтты.