Ақтөбеде облысында оқушы қыздар төбелескен Кеңқияқ, Сарыкөл және Шұбаршы ауылының мектеп директорлары оқиғадан кейін қызметтерінен босатылған. Алайда облыстық білім басқармасындағылар директорлардың жұмыстан кетуі негізсіз дейді. Сөздерінше қыздардың төбелесінен кейін жағдайды зерттеген аудандық білім бөлімі, прокуратура мен Ішкі істер бөлімінің мобильдік тобы дұрыс шешім шығармаған дейді. Оқушы қыздардың шаш жұлып, төбелесуіне мектеп директорлардың жазығы жоқ деген білім басқармасындағылар үш мектептің де басшысын орындарына қайта тағайындап, қателескен Темір аудандық білім бөлімінің басшысына қатаң сөгіс жариялапты. Ал оқушы қыздар мен ата-аналарына қатысты қолданылатын жаза тергеу аяқталғаннан кейін белгілі болады деп отыр. Естеріңізге салсақ, осыдан бес күн бұрын Кеңқияқ ауылында, тапа тал түсте 8,9,10-сыныпта оқитын он қыз төбелескен болатын. Сол кезде оқушы қыздардың төбелесі ватсаптағы чаттан басталғанын және бір-бірінің сөзін көтере алмаған оқушылар мәселені кездесіп шешпек болғаны айтылған еді.
«Оқиғаның мән жайын анықтау барысында директорларды орнынан босатудың негізсіз екенін анықтап отырмыз. Сондықтан да қазіргі таңда аталған директорлардың бәрі өз орындарына қайта тағайындалды. Аудандық білім бөлімінің басшысына қатаң сөгіс берілді. Алдағы аптадан бастап, Темір ауданындағы білім беру ұйымдарында тәрбие жұмысының ұйымдастырылуына кешенді түрде зерделеу жұмыстары жүргілетін болады», - деді Ақтөбе облысы білім басқармасы басшысының орынбасары Нұргүл Бертілеуова.
Жанар Қожанова,
Ақтөбе облысы
Байланысты жаналықтар
MalimBlocks
