Алтын маскалы адам пневмониядан қайтыс болды
Әлемдік БАҚ пен әлеуметтік желіні шулатқан үндістандық кәсіпкер Шанкар КУРАДЕ қайтыс болды. Ол коронавирустан алтын маскамен қорғанам деп атағы шыққан.
Үндістанның Пимпри-Чинврад провинциясының тұрғынының шілде айында салмағы 60 грамм болатын маскаға тапсырыс бергені айтылған. Бұл масканы жасау үшін 8 күн кеткені де айтылған. Кейін белгілі болғандай, кураде өзінің бұл әрекетін ешқандай да хайп емес, өзінің күн сайын 1 келі алтын тағып жүруге әдеттенгенін, сондықтан, масканы да алтыннан жасатқанын айтқан. Демалуға мүмкіндік беретін кішкентай тесіктері бар жұқа масканың құны 4 мың АҚШ доллары тұрады. Кураденің бұл әрекетін әлем "коронамода" деп те атаған.
Кураде бұл масканың басқалардан артықшылығы туралы былай депті:
"Бірақ оның тиімділігіне қатысты жәй ғана маска тағып жүру жеткіліксіз екенін білеміз, қашықтықты да сақтау қажет. Сондықтан, алтын маскада көшеге шыға отырып, мен де әлеуметтік қашықтық шараларын тиісті түрде сақтаймын".
Коронавирус жұқтырып, пневмониядан көз жұмған Шанкар Кураде 49 жаста болған.
Ең көп оқылған
