Тасмағамбетовтің күйеубаласы АҚШ сайлауын шулатып жатыр

Malim Админ

  • 22.10.2020

Батыс басылымдары АҚШ-тағы президент сайлауының қарсаңында Джо Байденге қарсы компроматтарды жариялап жатыр. Кей компроматтардың арасында Қазақстанның Ресейдегі бұрынғы елшісі Иманғали Тасмағамбетовтің күйеубаласы, бизнесмен Кеңес Рақышевтің аты аталады.

The New York Post қазанның 20-сы күні "Фото Джо Байденнің Хантердің (Байденнің ұлы) Қазақстандағы ықтимал серіктесімен кездескенін" көрсетеді деген мақала жариялаған. Мақаладағы басты суретте Джо Байден, ұлы Хантер, Кеңес Рақышев пен Кәрім Мәсімовпен түскен суреті жарияланған. Бұл суретті бұған дейін Активтерді қайтару жөніндегі Қазақстан бастамасы (KIAR - Kazakhstan Initiative on Asset Recovery) 2019 жылы жариялаған. The New York Post өткен аптада "Байденнің құпия email-дері" атты зерттеу жариялап, онда Хантер Байденнің бизнестегі серіктерімен қарым-қатынасын әшкере ететін есептерді қоса тіркеген. Есепте Кеңес Рақышев АҚШ-тағы брокерлік инвестицияларға ара ағайындық жасаған Байденнің ұлына ақша төлегені айтылады.

Ал британдық Daily Mail таблоиды Хантер Байден мен Кеңес Рақышевтің жазысқан хаттарын жария етті. Басылым Хантер Байденнің әкесі вице-президент болып тұрғанда ұлы жемқорлыққа белшеден батқан елдерде бизнес жүргізгенін жазды.

Мысалы, "2012-2014 жылдар аралығында Хантер өзін-өзі "кәсіпкер, инвестор және халықаралық бизнесменмін" дейтін Кеңес Рақышевке арағайындық жасап жүрген" дейді басылым.

Daily Mail-ға Орталық Азиядағы жемқорлықпен күресуші белсенділер жіберген хаттарға қарағанда, кіші Байден Нью-Йорк пен Вашингтондағы жобаларға ақша құйғысы келген Рақышевпен кездесулер өткізген. Тіпті Рақышевпен кезесу үшін Байденнің ұлы астанаға келіп кеткен екен.

"Содан кейін Хантер Байден Рақышевті сенатор-демократ Джон Керридің қызы, кинорежиссер Александра Форбс Керридің фильм шығарушы компаниясына миллион доллар қаржы құюға көндірмес бұрын Невададағы тау-кен компаниясын сатып алуға көндіруге тырысып, компания өкілдерімен кездесу ұйымдастырған".

"Кіші Байденге жетік емес ағылшын тілінде хат жазған Рақышев онымен жақын болып кеткендей. Ол Хантерді "менің бауырым!" және "басқа анадан туған бауырым!" деп атаған.

Рақышев пен Байден хаттарында отбасылық мерекелердегі өсектерді жазады, екеуі Нью-Йорк пен Вашингтондағы қымбат ресторандарда бірге тамақтанған.

Басылым Кеңес Рақышев Тимур Құлыбаевқа Британ Виргин аралдарында тіркелген фирма арқылы Эндрю ханзаданың Виндзордағы Sunninghill Park сарайын 15 миллион фунтқа сатып алуға көмектескенін, Ұлыбританияда есімі осының арқасында белгілі болғанын жазады.

Daily Mail 2012 жылы Рақышев Forbes есебінше 332 миллион долларымен магнаттардың тізіміне енгенде, басқа олигархтар ұқсап ақша құюға болатын қауіпсіз жер іздеп, АҚШ-қа келгенін келтіреді. Алайда қатаң реттелетін Батыс капитализмі әлемінде инвестициялық серіктестер Рақышевтің ақшасын алуға ынталы болмаған. "Бұған кімді кінәлайсың? Ешкім оның ақшасы қайдан шыққанын білмеді. Мысалы, Mail қолға түсірген электронды хаттар Дүниежүзілік банктің еншілес ұйымы – Халықаралық қаржы корпорациясы IFC Рақышевпен келіссөз жүргізгенін көрсетеді".

IFC олигархқа сыпайы түрде онымен бірге инвестиция жасай алмайтынын, себебі due diligence тексеру шаралары оның президент отбасымен байланысы бар екенін көрсеткенін алға тартқан.

Басылымның жазуынша, осы уақытта Рақышев АҚШ-тың әділет министрлігі назарына ілінген. Кейін ол Қазақстанның мұнай-газ саласына иневстицияларға қатысты шетелдегі жемқорлықпен күрес заңын ықтимал бұзушылық ісіне іліккенімен, ешқандай айып тағылмаған. Әлбетте, мұның барлығы Рақышевтің көңілін қалдырып, ақыр аяғы осы нәрсе АҚШ-тағы ең ықпалды әулеттің өкілі Хантер Байденмен кездесуіне ықпал еткен болуы мүмкін.

Сөйтіп, 2012 жылдан бастап Рақышев кіші Байденмен хат алмаса бастайды. Шілде айында хантер астанаға келген. "Сізбен сөйлесіп, Қазақстан сапардың қорытындысы бойынша ары қарайғы әрекетті талқылағым келеді", - деп жазады Байден Рақышевке.

"Үш айдан кейін Байден Рақышевке шығыс Аризонадағы калий өндіретін Prospect Global Resources-қа инвестиция құю жөніндегі келіссөздерді жүргізуге көмектескен. Mail басылымы қолға түсірген хаттар келіссөздер үзіліп қалғанымен, екеуі достық қарым-қатынаста қалғанын көрсетеді".

Кейін де хат алмасулар жалғасқан. Ал 2013 жылдың аяғында Байденнің серіктесі Арчер Рақышев пен жоғарыда аты аталған Джон Керридің қызымен конференц байланысты ұйымдастырған.

Сол қоңыраудан кейін Рақышев Байденге "Басқа анадан туған бауырым, рахмет! Көп рахмет, бауырым!  1 миллион салуға шештік. Менің поштамды оларға берші" деп жазады. Осылайша Рақышев фильм шығарушы компанияға ақша құйған.

Басылымның жазуынша, еш уақытта Рақышевке қарыз екенін жария түрде мойындамаған Форбс Керри келісімшартты 2014 жылдың қаңтарында жасасты. Келесі айда ол Рақышевпен Вашингтонда кездесіп, кешкі ас ішкен.

"Сізді, Деваон мен Хантерді көргеніме қуаныштымын. Тамаша сағат үшін алғыс айтқым келеді. Оны үстелде отырғанда ашпағаным өкінішті. Мен оны балаларға арналған сыйлық деп ойлап қалыппын, сондықтан үйге барғанда бір-ақ аштым. Ол өте әдемі, сіз сондай жомартсыз. Нью-Йоркке тезірек отбасыңызбен келіңіз. Біз сізді қонақ етеміз", - деп жазады Форбс Керри Рақышевке.

Рақышев хатқа жауабында қыркүйекте келетінін айтып, байланыста болайық деп қайырған.

Кеңес Рақышев фильм шығарушы компанияға 1 миллион доллар ақша құйған соң үш айдан кейін Novatus оффшор компаниясы Хантер Байденнің Rosemont Seneca фирмасына 143 мың доллар аударып, ол "машинаға арналған ақша" деп мәлімдеген. Есепке қарағанда, Novatus-тың жалғыз акционері Кеңес Рақышев.

Фото: Максим Стулов / Ведомости / ТАСС

Материалды көшіріп басуға болмайды!

Байланысты жаналықтар

В объятиях государства. Почему казахстанцы не хотят жениться?

26.03.2024

Рост зарплат в два раза ниже реального роста экономики в Казахстане

13.02.2024

Неравенство в Казахстане как в Африке – исследование

26.01.2024

Почему казахстанцы такие бедные – исследование

24.01.2024

Низкое доверие госинститутам в Казахстане зафиксировали социологи

15.01.2024

Центрально-Азиатский союз: возможности или риски?

20.11.2023
MalimBlocks
В объятиях государства. Почему казахстанцы не хотят жениться?

В Казахстане рекордно снизилась статистика создания новых браков, и это при том, что численность молодежи растет. Как сообщают аналитики Ranking.kz, за январь–декабрь 2023 года в стране зарегистрировали брак 120,9 тыс. пар. Это на 6% меньше, чем годом ранее.

Рост зарплат в два раза ниже реального роста экономики в Казахстане

В четвертом квартале 2023 года среднемесячная заработная плата составила 393.6 тысяч тенге, увеличившись на 12% с предыдущего квартала. Но радоваться этому не стоит. Аналитики «Халык финанс» считают, что такой рост связан с выплатами премий в конце ушедшего года.

Неравенство в Казахстане как в Африке – исследование

Почти половина жителей Казахстане имеет среднемесячные доходы на душу населения ниже минимальной заработной платы (85 тыс. тенге). При этом больше половины этих доходов люди вынуждены тратить на продукты питания. Зато 10% наиболее богатых людей в стране владеют почти 60% всех активов домохозяйств, что ставит Казахстан по уровню имущественного неравенства в один ряд со странами Африки. К таким выводам пришли аналитики «Халык Финанс» в опубликованном исследовании «Экономическое неравенство населения в Казахстане».

Почему казахстанцы такие бедные – исследование

Сырьевая направленность экономики и низкая производительность труда мешают казахстанцам больше зарабатывать. Частный сектор, малый и средний бизнес не то что не стали опорой экономики и источником ее эффективности, но и стагнируют. Тем временем государство увеличивает свою роль во многих сферах, позволяя оставаться на рынке низкопроизводительным компаниям. К таким выводам пришли аналитики «Халык Финанс» в опубликованном отчете «Рынок труда Казахстана 2023 - низкая производительность, скрытая безработица, региональный дисбаланс».

Низкое доверие госинститутам в Казахстане зафиксировали социологи

Центр социологических и политических исследований «Стратегия» опубликовал рейтинг управленческой элиты за 4 квартал 2023 года

Центрально-Азиатский союз: возможности или риски?

Ухудшение социально-экономического положения в странах Центральной Азии на фоне войны в Украине снова стало поводом для обсуждения возможности экономической интеграции. В среду, 15 ноября, эксперты Central Asian Think Tanks Forum, организованного PaperLab в Астане, размышляли, как нашим странам стоит объединять усилия, чтобы наконец перестать быть объектом геополитических и экономических интересов мировых держав и становиться самодостаточным регионом.