Бұл туған күн емес, өлген күн - авиация маманы
Белгілі авиация маманы (малайзиялық MH17 рейсінің атып түсірілу оқиғасын; советтік "Буран" шаттлы, украиндік "Мрия" ұшағы туралы зерттеулерімен әйгілі) Вадим Лукашевич Байқоңыр ғарыш айлағындағы басты нысан - "Гагарин старты" деген атпен белгілі нөмірі бірінші алаңның Қазақстанға өтуі туралы ой толғайды. Malim.kz түйінді тұстарын келтіріп отыр.
Үш күн бұрын, 2 маусымда, Ресей Байқоңыр ғарыш айлағының 70 жылдығын атап өтті. Мен бұл атаулы күнге екі себептен мән бермедім. Біріншіден, бұл туған күн емес, өлген күн: Ресей Байқоңырдан - кетіп барады, жоғалтып барады, тастап барады (мұны қалай атауды өзіңіз біліңіз)...
...Екіншіден, кеше әйгілі "Гагарин стартын" Қазақстанға өткізу актіне қол қойылды. Бар тарихымыз осыдан басталып еді: 1957 жылдың 4 қазанында ұшырылған алғашқы "Спутник" жерсерігі де, Гагариннің 1961 жылғы 12 сәуірдегі сапары да... осы жерден басталды... Мен осы жолдарды жазып отырғанда алаңның ресейлік күзеті қазақтарға ауысып жатыр...
Ең көп оқылған
