Премьер-министрдің канцелериясы Нұр-Сұлтан қаласы бойынша бизнес-класс автокөліктерінің қызметіне 140 миллион теңге жұмсамақ.
«Тапсырыс беруші – «Қазақстан Республикасы премьер-министрінің канцелериясы» мемлекеттік мекемесі. Қызмет түрі – қызмет көліктерімен қамтамасыз ету. Қосымша мәлімет – Нұр-Сұлтан қаласы бойынша транспорт қызметі, жоба соммасы – 140 178 571,42» деп жазылған мемлекеттік сатып алулар сайтында жарияланған лот сипаттамасында.
Конкурсқа өтінім қабылдау 27 қазан күні 10:45-те басталып, 17 қараша күні 10:45-те аяқталады.
«Қызмет көрсету уақыты: қол қойған күннен бастап 2021 жылдың 31 желтоқсанына дейін. Транспорттық қызмет көрсететін көліктер бизнес-класс, я өкілдік сипаттағы автокөліктер болуы керек. Мемлекеттік тіркеу нөмерлерінің әріптік индексі KZ, QR, UD болуы шарт» деп жазылған техникалық спецификациясында.
Сонымен қатар қызмет көрсетушінің Ақорданың, Үкімет үйінің, Парламенттің, Министрлер үйінің және басқа да мемлекеттік органдардың орталық есіктері мен аймақтарына, Нұр-Сұлтан әуежайының жолаушылар терминалының бірінші линиясына, сондай-ақ Ұлттық холдингтер мен компаниялардың қақпасынан еркін кіре алатын рұқсаты болуы керек екен.
MalimBlocks
