26 желтоқсан, жұма күні Жапонияның жылдам жолында қарлы ауа райында жаппай жол-көлік апаты орын алып, 1 адам қаза тауып, 26 адам жарақат алды, деп хабарлайды Malim.kz. Associated Press-ке сілтеме жасап.
Оқиға Жапонияда жаңа жылдық мерекелер басталған уақытта болды.
Гумма префектурасының жол полициясы хабарлағандай, Кан-эцу автожолындағы апат Минаками қаласында екі жүк көлігінің соқтығысуынан басталған. Қаза тапқан – 77 жастағы Токио тұрғыны, ал жараланғандардың 5-і ауыр жағдайда.
Жүк көліктерінің соқтығысуы жол бөлігін жауып, арттағы көліктердің қарлы бетке тоқтай алмауына әкелді. Нәтижесінде 50-ден астам көлік қатысқан апат болды. Кейбір көліктерде өрт шығып, олар толықтай жанып кеткен. Өрт шамамен 7 сағат ішінде сөндірілді, адам зардап шеккен жоқ.
Жолдың бір бөлігі тергеу жүргізу, зақымдалған көліктерді эвакуациялау және жолды тазалау үшін жабық болды.
