АҚШ пен Қытайдың салық келісімінен соң акциялар қымбаттады

Дүйсенбіде АҚШ пен Қытай өзара тарифтерді 90 күнге төмендетуге келіскеннен кейін акция бағалары күрт өсті, деп хабарлайды Investopedia.

Dow Jones индексі 2,8%-ға өсті, ал S& P 500 және Nasdaq индексі сәйкесінше 3,3%-ға және 4,4%-ға көтерілді.

Инвесторлар демалыс күндері АҚШ пен Қытай шенеуніктері арасындағы келіссөз қорытындысын тағатсыздана күткендіктен, акциялар өткен аптаның соңында тосу күйінде болды. 

Дүйсенбіде әлемдегі ең ірі технологиялық компаниялардың акциялары барлық бағыт бойынша күрт өсті. Тізімде ең бірінші шамамен 8% өсіммен Amazon және Meta тұр. Apple мен Tesla акциялары 6%-дан астам өсті, ал чип өндіруші Nvidia және Broadcom акцияларының бағасы сәйкесінше 5,5% және 6,5%-ға өсті. Alphabet акциялары 3%-дан астам, ал Microsoft 2%-ға жуық өсті.

Marvell Technology және Micron акциялары шамамен 8% өсті, ал ON Semiconductor және Microchip Technology сәйкесінше 9% және 10% өсті. VanEck Semiconductor ETF күнді 6%-дан астам өсіммен аяқтады.

Nike акцияларының бағасы 7%-дан астам, ал жеткізу компаниялары United Parcel Services және FedEx сәйкесінше 6% және 7%-ға жуық өсті.

Қытайлық Alibaba электрондық коммерция компаниясының акциялары шамамен 6%-ға, Carnival круиздік желі операторы 10%-ға, Lululemon 9%-ға және Best Buy электроника сатушысы 6,5%-ға қымбаттады. Shopify электрондық коммерция платформасының акциялары 14% өсті.

Әлемдегі ең ірі алтын өндіруші Newmont Mining компаниясының акциялары қымбат металл бағасының төмендеуіне байланысты 6 пайызға арзандады. Бір апта бұрын бір унция үшін шамамен 3500 долларға саудаланған алтын фьючерстері дүйсенбіде 3,1 пайызға, 3240 долларға дейін арзандады. 

АҚШ-тың West Texas Intermediate маркалы мұнай фьючерстері 1,5 пайызға өсіп, 62,05 доллар болды.

Биткоин 102 500 долларға саудаланып, түндегі 105 700 доллар максимумнан төмендеген. Өткен аптада цифрлық валюта бағасы ақпан айынан бері алғаш рет 100 мың доллардан асып түсті.

Фото: wallpapercave.com