Трамп Путин жайлы: Менің сабырым таусылып келеді, әрекет етуге мәжбүр боламыз
АҚШ президенті Дональд Трамп Ресей көшбасшысы Владимир Путинге қатысты сабыры таусылып келе жатқанын мәлімдеді, деп хабарлайды Malim.kz.
Оның айтуынша, Мәскеу мен Киев бір мезетте келіссөзге дайындық танытпаған. Бұл туралы ол жұма күні, 12 қыркүйекте Fox News арнасына берген сұхбатында айтты.
Оның сөздерінің үзінділері Ақ үйдің Rapid Response 47 ресми аккаунтында, X әлеуметтік желісінде жарияланды.
Журналистер президенттен Путинге қатысты сабыры біткен-бітпегенін сұрады.
Оны, былайша айтқанда, сабырым таусылып келеді, әрі тез таусылып жатыр. Бірақ белгілі нәрсе – танго билеуге екеу керек... Путин дайын болғанда, Зеленский қаламады. Зеленский дайын болғанда, Путин дайын болмады... Біз өте, өте қатаң әрекет етуге мәжбүр боламыз, – деді Трамп.
Бұған дейін Ресей президентінің баспасөз хатшысы Дмитрий Песков Мәскеуді ешқандай санкция өзінің ұстанымын өзгертуге мәжбүрлей алмайтынын айтқан еді. Оның сөзінше, Ресейге қарсы салынған бұрын-соңды болмаған көлемдегі санкциялар да еш нәтиже бермеген.
Фото: x.com/WhiteHouse
