Корея президенті Юн Сок Ёльге импичмент жарияланды
Ұлттық Ассамблеясында басым дауыспен ұсыныс қабылданған
Корея Республикасының Ұлттық Ассамблеясы ел президенті Юн Сок Ёльге әскери жағдайды дұрыс енгізбегені үшін импичмент жариялау туралы дауыс берді, деп хабарлайды Malim.kz.
Yonhap агенттігінің мәліметінше, импичмент туралы ұсыныс 204 дауыспен қабылданған. Оның ішінде қарсы дауыс бергендер саны – 85, 3 адам қалыс қалған, ал 8 бюллетень жарамсыз деп танылған.
Айта кетейік, 2024 жылғы 4 желтоқсанға қараған түні Оңтүстік Корея президенті елде әскери жағдай енгізілгенін жариялаған болатын.
Артынша президенті Юн Сок Ёль әскери жағдай жариялап, халық арасында алаңдаушылық туғызғаны үшін кешірім сұрап, мұндай әрекетті қайта жасамауға уәде берді.
Содан кейін оппозициялық партиялардың өкілдері президентті билікті күшпен басып алуға тырысты және әскери жағдайды заңсыз және негізсіз енгізу арқылы қызметтік өкілеттігін асыра пайдаланды деп айыптап, парламентке импичмент туралы тиісті қарар енгізді.
Фото: en.yna.co.kr
Байланысты жаналықтар
MalimBlocks
