Түркияның Измир қаласында орман өрті өршіп, желдің екпінімен елді мекендерге жетті, деп хабарлайды Malim.kz.
Қазір қызыл жалынды ауыздықтауға ұшақтар мен тікұшақтар жұмылдырылған.
A Haber телеарнасының мәліметінше, Измир провинциясындағы орман өрті бейсенбі күні түстен кейін басталған. Бұл халықаралық әуежай жұмысына кедергі келтіріп жатыр. Белгілі болғандай, қазір желдің күшімен өрт елді мекендерге дейін жеткен. Оны сөндіруге ұшақтар, тікұшақтар тартылуда.
Измирдегі Газиэмир және Буджа аудандарының арасындағы орман өртін сөндіру жұмыстары жалғасуда. Өртті жоюға 7 ұшақ, 16 тікұшақ, 35 жер үсті көлігі, 11 су тасымалдау көлігі, төрт бульдозер, төрт жер үсті командасы және өрт сөндірушілер жұмылдырылды, - делінген телеарна мәліметінде.
CNN Türk жергілікті тұрғындар мен қойлар вагондармен эвакуацияланғанын жазды. Тұрғындар тіпті қызыл жалынмен өз беттерінше күресуге де тырысқан.
Фото: Lokman Ilhan/Anadolu via Getty Images
Байланысты жаналықтар
MalimBlocks
