Президент Қасым-Жомарт Тоқаев 16 наурыз бен 15 сәуір аралығында елде төтенше жағдай енгізді. Бұл - тәуелсіз Қазақстан тарихында бүкіл республика аумағында енгізілген алғашқы төтенше жағдай.
Тоқаевтың жарлығына сәйкес, төтенше жағдай режимін қамтамасыз ететін мемлекеттік комиссия құрылады. Мемлекеттік комиссияға "Төтенше жағдайлар туралы" заңда көрсетілген өкілеттіліктер беріледі.
Төтенше жағдай кезінде мынандай шаралар мен уақытша шектеулер енгізілді:
- Аса маңызды мемлекеттік және стратегиялық, ерекше режимдік, режимдік және ерекше қорғалатын объектілердің, сондай-ақ халықтың тыныс-тіршілігін және көлік қызметінің жұмыс істеуін қамтамасыз ететін объектілердің күзетілуі күшейтіледі;
- Ірі сауда нысандарының жұмыс істеуіне шектеу қойылады;
- Сауда ойын-сауық орталықтары, кинотеатрлар, театрлар, көрмелер және адамдар көп жиналатын басқа да нысандардың қызметі тоқтаталады;
- Карантин енгізіледі;
- Ойын-сауық, спорттық және басқа да бұқаралық іс-шараларды, сондай-ақ отбасылық, салт-дәстүр іс-шараларын өткізуге тыйым салынады;
- Ел аумағына көліктің барлық түрімен кіруге және шығуға шектеу қойылады. Сыртқы істер министрлігінің мәлімдемесіне қарағанда, бұл негізінен шетел азаматтарына қатысты шектеу. Шетелде жүрген қазақстандықтар елге кіре алады.
Заң бойынша, төтенше жағдай кезінде "үкімет айқындайтын тізбе бойынша мемлекеттік органдардың, үкіметтік байланысты, сондай-ақ шұғыл қызметтердің байланыс желілері мен құралдарын қоспағанда, байланыс желілері мен құралдарын басымдықпен пайдалануға, сондай-ақ олардың қызметін тоқтата тұруға құқығы бар".
Төтенше жағдайда кезінде парламент мәжілісін таратуға болмайды.
Бірақ "Төтенше жағдай туралы" заңда да, "Қауіпсіздік кеңесі туралы" заңда да елбасы және Қауіпсіздік кеңесінің өмір бойғы төрағасы Нұрсұлтан Назарбаевтың міндеттері жазылмаған.
Байланысты жаналықтар
MalimBlocks
