Путин қазақстандықтарды марапаттап жатыр
Олардың ішінде Еуразия ұлттық университетінің ректоры Ерлан Сыдықов бар
Қазақстанның бес азаматын Ресей президенті Владимир Путин Пушкин медалімен марапаттады.
Медаль «Ұлттар мен ұлыстардың мәдениеттерін жақындастыру және өзара байытудағы жемісті қызметі үшін» табысталып отыр.
Ресейлік медальмен марапатталғандар тізімінде «Астана Опера» театрының директоры Ғалым Ахмедьяров, Шымкент қалалық орыс драма театрының директоры Игорь Вербицкий, Н.Сац атындағы орыс балалар мен жасөспірімдер театрының актрисасы Валерия Крымская, Л.Гумилев атындағы Еуразия ұлттық университетінің ректоры Ерлан Сыдықов, «Славяндар» қоғамдық-мәдени бірлестігінің төрайымы Галина Щербакова бар.
Пушкин атындағы медаль Ресей Федерациясымен мәдени байланыстарды дамыту мен нығайтуға үлес қосқан шетел азаматтарына беріледі. Атап айтқанда, орыс мәдениеті мен өнерін қолдаудағы жемісті қызметі, орыс тілі мен әдебиетін насихаттау және таратудағы ерен еңбегі үшін марапатталады.
Байланысты жаналықтар
MalimBlocks
