Мысырдың бұрынғы бас мүфтиі, ислам құқығы профессоры Али Джума (Гомаа) ұлттық «Әл-Хаятт» телеарнасының эфирінде темекінің зиянын азайту концепциясын қолдады, деп хабарлайды Malim.kz.
Оның жауабы мынадай: қазіргі заманғы түтінсіз құрылғылар мен қыздыру жүйелері, мысалы, IQOS — бұрын жарияланған темекіге қатысты фәтуа шеңберіне кірмейді. «Ислам зиянға тыйым салады, бірақ зиянды азайтатын жолға тыйым салмайды. Егер өнімнің айтарлықтай зияны дәлелденбесе, ол харам саналмайды. Исламда жаңа нәрсенің зияны дәлелденбегенше, ол рұқсат етілген болып есептеледі, — деді шейх Али Жума.
Ғұлама ислам ғалымдарының темекіге деген көзқарасы уақыт өте келе өзгергенін еске салды. Шамамен 25 жыл бұрын медициналық дәлелдердің жиналуымен темекі түтінінің улы екені расталып, темекіге бірыңғай тыйым салу туралы шешім қабылданды. Бүгінгі күні беделді ғалымдардың ешқайсы темекі шегудің денсаулыққа ауыр зиян келтіретініне және исламның өмірді сақтау жөніндегі негізгі қағидатына қайшы келетініне күмән келтірмейді.
Фото: International Islamic Fiqh Academy
Байланысты жаналықтар
MalimBlocks
