Астана мен Алматы қалаларындағы ақша айырбастау пункттерінде доллар 527-532 теңгеден саудаланып жатыр, деп хабарлайды Malim.kz.
Ұлттық банктің 9 қаңтарға ұсынған ресми бағамы — 1 долларға 527,23 теңге. Ресей рублінің орташа сараланған құны — 5,05 теңге. Еуро — 544,05.
Kurs.kz мәліметінше, қазіргі уақытта Алматының ақша айырбастау пункттерінде доллар 527,5 теңгеден сатылып жатыр, сатып алу бағамы — 531,5 теңге. Еуро 543,5 — 549,5 теңге аралығында құбылып тұр.
Ал, Астана қаласы бойынша долларды сату бағамы — 528,5 теңге, сатып алу құны — 532,5 теңге. Еуро 541 теңгеден сатылып, 547 теңгеден сатып алынады.
Дәл қазіргі уақытта ақша айырбастау орындарында Ресей валютасы 5,07 — 5,20 аралығында саудаланып жатыр.
Айта кетейік, 8 қаңтар кешкі сауда қорытындысы бойынша, доллардың орташа бағамы 0,33 теңгеге төмендеп, 527,14 теңге болған.
Осыған дейін Қазақстан қаржыгерлер қауымдастығы 2025 жылы доллар 545 теңгеге дейін баруы мүмкін екенін айтты.
Сондай-ақ, Ұлттық банк төрағасы Тимур Сүлейменов доллар бағамының өзгеруі импорт тауарлары құнына әсер етуі мүмкін екенін айтты.
Фото: malim.kz
MalimBlocks
