Көлік-логистика саласында тағы бір акционерлік қоғам құрылады
Оның жарғылық капиталы толығымен мемлекетке тиесілі болады
Елімізде тағы бір акционерлік қоғам құрылады. Ол көлік саласының тұрақты дамуына жәрдемдесу және көлік пен логистика саласындағы қызметті мемлекеттік ынталандыру шараларын ұсынумен айналысады, деп хабарлайды Malim kz.
«Қазақстанның көлік және логистика институты» акционерлік қоғамын құру мәселелері туралы Үкімет қаулысы «Ашық НҚА» порталында жарияланған.
Үкімет түсіндірмесіне қарағанда, жаңа үйым көлік-логистикалық дамудың мемлекеттік саясатын ақпараттық-талдамалық қамтамасыз ету мақсатында құрылады. Оның жарғылық капиталы 100% мемлекетке тиесілі болады.
Ал жаңа ұйымның жарғылық капиталын қалыптастыру үшін Көлік министрлігіне 2024 жылға арналған республикалық бюджетте шұғыл шығындарға көзделген Үкімет резервінен 184,6 млн теңге бөлінбек.
Қоғамдық талқылау 24 мамырға дейін жалғасады.
Фото: aristek.ru
