Еңбек және халықты әлеуметтік қорғау министрлігі Қазақстандағы зейнетақының орташа мөлшерін жариялады, - деп хабарлайды Malim.kz тілшісі.
Жыл басынан бері республикалық бюджеттен 1 триллион 394,2 миллиард теңге зейнетақы төленсе, оның 450,8 миллиард теңгесі базалық зейнетақыны төлеуге, 943,4 миллиард теңгесі ынтымақты зейнетақыға бөлінгені хабарланды.
2025 жылғы 1 мамырдағы жағдай бойынша, зейнеткерлер саны - 2 миллион 471 мың адам.
"2025 жылғы 1 мамырдағы жағдай бойынша жиынтық зейнетақының орташа мөлшері - 143 400 теңге, оның ішінде ынтымақты зейнетақы мөлшері – 95 784 теңге, базалық зейнетақы – 47 616 теңге", – делінген хабарламада.
Айта кетейік, 2025 жылғы сәуірдегі орташа жалпы зейнетақы 143 622 теңге болды, оның ішінде ынтымақты зейнетақы 95 963 теңге, базалық зейнетақы 47 659 теңге болды.
Фото: pixabay.com
