2021 жылдың бірінші жартысына да таяп қалдық. Осы уақыт ішінде қандай жетістіктерге қол жетті? Әсіресе, экономикамыздың жетекші саласы ауыл шаруашылығы бойынша. Осы салаға жауапты ауыл шаруашлығы министрі Сапархан Омаров жыл басынан бергі төрт ай ішіндегі көрсеткіштерді мәлімдеді. Үкімет отырысында министр айтқан циярларға көз салсақ, ауылшаруаылығы өнімінің жалпы көлемі 3 пайызға артып, жалпы сомасы 831,2 миллиард теңгеге жеткен.
Бір қарағанда, бұлай болмас жөні де жоқ. Себебі, соңғы жылдардағы мемлекеттік саясаттың, экономикалық бағыттың басым бөлігі осы ауыл шаруашылығына күш салып отыр. Мәселен, фермерлердің несиесін кепілдендіру жолға қойылып жатыр, субсидиялау шарттары жеңілдетіліп, көлемі артып келеді, кәсіпкерлерді жөнсіз тексеруге тыйым салынды, жерім жоқ немесе егістігім тар деп жүргендер үшін де даңа мүмкіндік – латифундистердің пайдаланылмай жатқан жерлерін үкіметке қайтарып, оны қайта бөлу жұмыстары қолға алынды, осының бәрі ауыл шаруашылығы бағытына оң ықпал етпей тұрмайды. Сонымен, биылғы жетістіктер қандай?
«Осы жылдың төрт айында ауыл шаруашылығы өнімінің көлемі 3% ұлғайып, 831,2 млрд теңгені құрады. Бұл өсім негізінен мал шаруашылығындағы өндіріс көлемінің 3,2% ұлғаюы есебінен қамтамасыз етілді. Мәселен, ет өндіру көлемі тірілей салмақта 5,3%, сүт 3,4% өсті. 44,8 млрд теңгеге өсімдік шаруашылығы өндіріліп, жоспар 100% орындалды», - деді министр Сапархан Омаров.
Былтырғымен салыстырғанда және биылғы межелеген көрсеткіштерді күткен межеден асыра орындап отырған төр облыс бар. Біріншісі, астықты аймақ Ақмола облысы. Бұл аймақтың фермерлері өнім өндіруді 114 пайыз артығымен орындаған. Одан кейінгі орында 104,5 пайыздық көрсеткішпен ең үлкен облыс Қарағанды тұр. Үшінші орында тұрған Павлодардың көрсеткіші де осыған жетеғабыл – 104,1 пайыз. Өнімді 100 пайыздан асырған облыстардың ішінде Жамбыл облысы да бар, ол 103,1 пайыз көрсеткіш көрсетіп отыр.
Ауыл шаруашылығы министрі үкімет отырысында тамақ қндірісі жайлы да айтып өтті. Оның сөзіне қарағанда, биыл тамақ өнімдері өндірісіне салынған инвестиция 37,3 пайызға көбейген. Демек, биыл тамақ қндірісіне үлкен мән беріліп жатыр дегенді білдіреді бұл. Осының есебінен, төрт ай ішіндегі көрсеткіш – тамақ өнідірісі көлемі де өскен. Жоғарыда келтріліген инвестиция көлемін есепке алсақ, бұл өсім жыл соңына дейін еселеп артады деп күтуге болады. Жалпы, ау
«Ал тамақ өндіру көлемі 3,9% өсті. Ауыл шаруашылығының негізгі капиталына салынған инвестиция көлемі 66,1% ұлғайса, тамақ өнімдері өндірісіне салынған инвестиция 37,3% артты», - деді ведомство басшысы.
Демек, бұл өзгерістерге қарап, алдағы уақытта тамақ өндірісі күш алатынын, бұл саладағы кәсіпкерлік дами түседі деп күтуге болады. Бұл бір жағынан алғанда, фермерлердің өнімін сыртқа шикізат күйінде шығармай, ішкі нарыққа өткізіп, ел бюджетіне қыруар қаржы түсіруге мүмкіндік береді. Оның үстіне, соңғы кездері ішкі нарықты жандандыру, өнімдерді шикізат күйінде емес, өңделген қалыпта экспорттау мәселесі жиі қозғалып жүр. Жоғарыда аталған жетістіктер осы бастамаға қосылған үлес деп айтуға толықтай негіз бар.
Байланысты жаналықтар
MalimBlocks
