Ішкі істер министрінің орынбасары Игорь Лепеханың айтуынша, министрлік электрсамокаттарға бақылауды күшейтуге бағытталған қатаң шараларды ұсынған, деп хабарлайды Malim.kz.
Ұсыныстар қатарында мыналар бар:
кей күндері (мысалы, жексенбіде саябақтарда) самокат тебуге тыйым салу;
қарбалас уақытта халық көп жүретін даңғылдарда қозғалысты шектеу;
самокаттарды тротуарлардан толық алып тастау;
адам көп жиналатын жерлерде агрегаторларды жылдамдықты 5 км/сағ дейін төмендетуге міндеттеу.
Алайда Лепеханың айтуынша, депутаттар бұл бастамаларды қолдамаған.
“Неге Мәскеуде бұл іске асып жатыр, ал бізде мүмкін емес? Қызыл алаңда самокат мүлде тоқтап қалады, әрі қарай жүрмейді. Бізде агрегаторлар өздерін жауаптымыз дейді, бірақ ештеңе істеген жоқ”, — деді ІІМ басшысының орынбасары.
Қазір министрлік бұл мәселеге қайта оралуды ұсынып отыр.
Фото: pixabay
