Неміс полициясы Айгүл Сайлыбаеваның өліміне қатысты түсінік берді
Қылмысқа не себеп болғаны белгісіз.
Германияның Оңтүстік Гессен полициясының Бас басқармасы Қазақстан азаматшасы Айгүл Сайлыбаеваның өліміне қатысты сұраққа жауап берді, деп хабарлайды Kazinform.kz.
16 маусым күні түстен кейін Эрлах көлінің маңында адам денесі табылғаннан кейін прокуратура мен полиция бұл 2024 жылғы 4 маусымда із-түзсіз жоғалған 40 жастағы әйелдің денесі деп болжап отыр, - деп жауап берді Оңтүстік Гессен полициясы Бас басқармасы.
Осы уақытқа дейін жүргізілген тергеу жұмыстарының нәтижесінде әйелдің зорлық-зомбылық құрбаны болғаны белгілі болды.
Қылмысқа не себеп болғаны белгісіз.
Қосымша тергеу үшін Оңтүстік Гессен полициясының Бас басқармасы «Эрлахе» кісі өлтіру бөлімін құрды. Тергеу амалдарына 35-тен астам шенеунік тартылды.
Адам денесі табылған аумақта қосымша іздестіру жұмыстары жүргізілмек.
Тергеушілер қылмыс мәйіт табылған жерде жасалмаған деп болжап отыр.
Тергеушілер кісі өлтіруді тергеумен қатар, марқұмның із-түзсіз жоғалған қайын енесін - 49 жастағы әйелді іздеп жатыр. Олардың орналасқан жері анықталу үстінде.
Дегенмен екі әйелдің жоғалып кетуі мен кісі өлтіру арасындағы байланыстың қаншалықты сәйкес екені әзірге белгісіз.
«Эрлахе» кісі өлтіру бөлімі халықтан ақпарат алу үшін жеке телефон желісін құрды: 06151/969 53200, азаматтар есімдерін атамай-ақ ақпарат беру үшін осы нөмірге хабарласа алады. Қазіргі уақытта тергеушілер 4 маусымнан бері қылмысқа қатысы болуы мүмкін куәгерлерді іздестіріп жатыр. Тергеу жүргізіліп жатқандықтан, әзірге осы баспасөз хабарламасынан басқа ақпарат беру мүмкін емес. Баспасөзбен жұмыс істеу Дармштадт прокуратурасының құзыретіне жатады, - деп жауап берді Оңтүстік Гессен полициясы.
Еске салсақ, бұған дейін Германияда қазақстандық экс-судьяның өлі күйінде табылғанын жазған болатынбыз.
Фото: http://www.instagram.com/podslushano.de/
Байланысты жаналықтар
MalimBlocks
