Президент Тоқаев әскери қолбасшыларды ауыстырды
Асан Қуанышұлы Жүсіпов Қазақстан Қарулы Күштері Құрлық әскерлерінің бас қолбасшысы лауазымынан босатылды
Асан Жүсіпов пен Қуанышбек Үштаев Қазақстан қарулы Күштеріндегі лауазымдарынан босатылды, деп хабарлайды Ақорданың баспасөз қызметі.
Мемлекет басшысының өкімдерімен Асан Қуанышұлы Жүсіпов Қазақстан Қарулы Күштері Құрлық әскерлерінің бас қолбасшысы лауазымынан босатылды; Қуанышбек Өскенбайұлы Үштаев «Оңтүстік» өңірлік қолбасшылығы әскерлерінің қолбасшысы лауазымынан босатылды.
Мемлекет басшысының өкімдерімен Қарулы Күштері Құрлық әскерлерінің бас қолбасшысы лауазымына Мереке Мәтімұлы Көшекбаев тағайындалды. Ал «Оңтүстік» өңірлік қолбасшылығы әскерлерінің қолбасшысы болып Ержан Уақасұлы Ыбыраев тағайындалды, ол бұрынғы атқарған лауазымынан босатылды.
Фото: Ақорда
Байланысты жаналықтар
MalimBlocks
