Ұлытау облыстық табиғи ресурстар басқармасының басшысына қатысты іс қозғалды.
Қаржылық Мониторинг агенттігінің ақпараты бойынша, оған билігін асыра пайдаланды деген айып тағылған.
Басқарма басшысының жетекшілігімен Жезді өзенінің арнасы тазартылуы керек болған. Ведомство бұл жұмыстың дұрыс жүргізілмегенін айтып отыр.
- Тергеу барысында құрылыс нормаларының орындалмағаны, сондай-ақ жобалау құжаттамасынан ауытқуларға жол берілгені анықталды, бұл жобалаушы мәлімдеген өзеннің су көлемінің өткізу қабілетін азайтты, - деп хабарлады агенттіктің баспасөз қызметі
Басқарма басшысы іс жүзінде атқарылмаған жұмыстардың актісіне қол қойған. Техникалық және авторлық қадағалаушылар да орындалған жұмыстың актілеріне қол қойған. Соның салдарынан биыл көктемдегі су тасқыны кезінде 10 үйді су басқан.
Фото: baq.kz
MalimBlocks
