Ақкөлде астық агрегаты өртенді (ВИДЕО)
Өрт 48 шаршы метр аумақты шарпыған

Бүгін түнде Ақмола облысы Ақкөл қаласында элеватор аумағында астық кептіру жабдықтарының бірінде күнбағыс тұқымдары өртенді, деп хабарлайды Malim.kz.
Облыстық ТЖД мәлімдеуінше, аумағы 48 шаршы метірді шарпыған өрт ыстық ауа ағынынан тұтанған.
Өрт сөндірушілердің жедел және үйлесімді әрекеттерінің арқасында, қызыл жалынның агрегат аумағынан сыртқа таралуына жол берілмей, толығымен жойылды, деп жазылған департамен мәлімдемесінде.
Ал өртті жоюға Ақкөл ауданының азаматтық қорғау гарнизонының, жергілікті атқарушы органдардың, 55209 ә/б және мемлекеттік емес өртке қарсы қызметтің күштері мен құралдары қатысқан. Зардап шеккендер жоқ. Себебі анықталып жатыр.
Фото: Ақмола облысы ТЖД