Ақмола полицейлері мыңнан аса көлікті жолда алып жүрді (ВИДЕО)
Облыста ауа райы бұзылуына байланысты көлік қозғалысы қиындаған
Ақмола облысында полицейлер ауа-райының қолайсыздығына байланысты 1500-ден астам көлікті ертіп жүрді, деп хабарлайды Malim.kz.
Облыс полициясының мәлімдеуінше, 14 және 15 желтоқсанда температура төмендеп, қардың түсуі, көктайғақ болуына байланысты екі республикалық автожолда қозғалысты шектеу туралы шешім қабылданған.
Жолдарда жиналған көлік үшін патрульдік полиция құрылымдары ілесіп жүруді ұйымдастырды. Машиналарды тізу кезінде тәртіп сақшылары жүргізушілерге колоннада жүру ережелерін, белгіленген жылдамдық режимі мен аралықты сақтау қажеттілігін түсіндірді, деп жазылған полиция мәлімдемесінде.
Ақмола облысында полицейлер «Екатеринбург-Алматы» автожолында 1291-1353 км аралығында (Жібек Жолы ауылынан Қарағанды облысы, 62 км) және «Астана-Ерейментау-Шідерті» автожолында 159-200 км аралығында (Ерейментау қ. - Павлодар облысы, 41 км) мыңнан астам жеңіл автокөлікті, 500-ге жуық жүк көлігін және бір қоғамдық көлікті алып жүрген.
Фото: скриншот
