БҚО-дағы колония ауласында жалаңаш жүрген сотталушының видеосынан кейін ҚАЖД қызметтік тексеру бастады, - деп хабарлайды malim.kz тілшісі Ulysmedia.kz-ке сілтеме жасап.
Әлеуметтік желілерде сотталған адамның колония ауласында жалаңаш жүріп, қоғамдық жұмыстарды істеп жатқан видеосы тарады. Бұл жағдайға қатысты қылмыстық-атқару жүйесі комитеті пікір білдірді.
"Сотталған адам мекеме аумағын абаттандыру және күтіп ұстауға арналған екі сағаттық міндетті жұмысқа келіспейтінін білдіру үшін қарсылық ретінде киімін шешіп тастаған", – деп хабарлады департамент.
ҚАЖК бұл оқиға бойынша қызметтік тексеру тағайындалғанын, оның қорытындысы бойынша тиісті шаралар қабылданатынын мәлімдеді.
Фото: видео кадры
