Мысырда қазақстандық туристер мінген аутобус аударылды

Оңтүстік Синайдағы Рас-Судр қаласында жолаушылар автобусы аударылып, 41 адам жарақат алды, олардың ішінде Ресей, Украина, Қазақстан және Әзербайжан туристері бар, деп хабарлайды Malim.kz.

Жергілікті «cairo24» сайтының жазуынша, оқиға болғаннан кейін дереу жедел жәрдем көліктері жарақат алғандарды емделу үшін ауруханаға жеткізуге шыққан.

Оқиға туралы хабар Синай провинциясының шұғыл көмек көрсету қызметіне жетіп, құқық қорғау органдарының жедел тобы оқиға орнына барған. Оқиға орнында 31 ресейлік және украиналық, 3 қазақстандық, 3 әзербайжандық және 4 мысырлық азаматтың жарақат алғаны анықталған. Барлық зардап шеккен адам ауруханаға жеткізіліп, оқиға бойынша ресми құжаттар толтырылып, қажетті шаралар қабылданған.

Фото: cairo24.com