Синоптиктердің болжауынша, 8 наурызда еліміздің басым бөлігінде жаңбыр, қар жауып, арты көктайғаққа ұласуы мүмкін, деп хабарлайды Malim.kz.
Ақтөбе облысы мен Қызылорда облысында жауын-шашын жауып, арты қарға уласуы ықтимал. салдарынан жолдар көктайғақ болып, айналаны тұман басады. Жел екпіні15-20 м/с-ке дейін жетеді. Осындай ауа райы Батыс Қазақстан облысының шығысында, солтүстігінде, оңтүстігіндеде болмақ.
Солтүстік Қазақстан облысының батысында, оңтүстігінде жауын емес, қар жауады. Абай облысында жауын-шашын жауып, арты қарға ұласып, жер көктайғақ болуы мүмкін. Ұлытау облысында осындай ауа райы күтілуде.
Қарағанды облысы мен Астанада да күндіз жауын-шашын жауып, қарға ұласады. Қостанай облысында қар, күндіз облыстың оңтүстігінде жауын-шашын жауады.
Түркістан облысы мен Шымкентте жауын-шашын жауғаны болмаса, қарға ұласпайды. Ақмола облысы, Шығыс Қазақстан облысы, Павлодар облысында жауын-шашын (жаңбыр, қар), көктайғақ.
Маңғыстау облысының солтүстігінде жолдарда көктайғақ болады. Облыстың батысында, орталығында тұман түседі. Батыстан, солтүстік-батыстан жел соғады, түнде облыстың солтүстігінде екпіні секундына 15-20 метрге жетеді. Алматы облысында жауын-шашын (жаңбыр, қар), облыстың таулы аудандарында кей уақытта қалың қар жауады.
Фото: pixabay.com
