Абай облысында өзен ортасында қалған екі адам жоғалып кетті
Абай облысы Аягөз ауданында өзенде қалған екі адамды іздестіру жұмыстары жүргізіліп жатыр, деп хабарлайды Malim.kz.
26 наурызда Аягөз ауданында 66 және 38 жастағы екі адам «МТЗ 82» маркалы трактормен Борлы өзенінен өту кезінде жоғалып кеткен. Олар «Шалқар» қосалқы шаруашылығынан Қарағаш ауылына қарай жолға шыққан екен.
Ер адамдар жолды қысқарту үшін өзен арқылы өтпек болды. Алайда өзен ортасында тұрып қалған. Оқиға орнына келген құтқарушылар адамдарды таппады, - деп хабарлады облыс әкімдігінің баспасөз қызметі.
Іздестіру жұмыстарына Абай облысының ТЖД, Полиция департаменті, жергілікті атқарушы органдар мен әскерилерден жалпы саны 41 адам, 4 жүзу құралы, 5 техника, 3 пилотсыз ұшу аппараты жұмылдырылған.
Жоғалғандардың отбасы мен жақындарына психологиялық көмек көрсету мақсатында психологтар да жіберілген.
Фото: Абай облысы әкімдігінен
Байланысты жаналықтар
MalimBlocks
