«Абай жолы» ұлы шығарма емес – журналист
Ол Мұхтар Әуезовтің туындысын неліктен ұлы шығарма деп санамайтынын түсіндірді.
Журналист Перизат Мырзахмет «Әдеби терапия» YouTube арнасына берген сұхбатында «Абай жолы» роман-эпопеясына қатысты пікірін ортаға салды, деп хабарлайды Malim.kz.
Перизат Мұхтар Әуезовтің туындысын неліктен ұлы шығарма деп санамайтынын түсіндірді.
Маған жиі қойылатын сұрақтың бірі – «Мұхтар Әуезовтің «Абай жолы» роман-эпопеясы неліктен Нобель сыйлығын алған жоқ?». Мен үшін «Абай жолы» жергілікті шығарма, ұлы шығарма емес. Ол тек біз түсінетін шығарма. Орта статистикалық американдық оны оқып, «ойбай, қазақтың тағдыры қандай еді» деп ойланбайды. Нобель сыйлығын алған Эрнест Хемингуэйдің шығармаларын біз де түсінеміз. Өйткені онда ұлы адамзаттық проблемалар қамтылған. Өткенде «Абай жолы» ұлы шығарма емес, Мұхтар Әуезовтің одан да мықты дүниелері бар» деп айтып едім, бәрі мені талап жеді. Оларды түсінемін, себебі оларға кішкентайынан «Абай жолы» деп әбден миына сіңіріп тастаған, құндылық сол. «Абай жолын» оқымаған қазақ қазақ емес» деген сияқты ұстаным бар еді. Бірақ мен үшін «Қараш, қараш оқиғасы» әдемірек, – деді Мырзахмет.
Фото: instagram.com/perizatmyrzakhmet
