Ақтөбе облысында жол апатынан 8 Өзбекстан азаматы қайтыс болды
Ақтөбе облыстық Полиция департаментінің мәліметінше, қайғылы оқиға 3 сәуір күні Шымкент-Самара тас жолында болған, деп хабарлайды Malim.kz.
Халықаралық тасжолдың Маржанбұлақ ауылы жанында Volvo жүк көлігі мен Toyota Аlhpard минивені соқтығысқан. Соның салдарынан минивендегі 8 Өзбекстан азаматы мерт болған.
Полиция мәліметінше, жоғары жылдамдықпен келе жатқан жүк көлігінің дөңгелегі жарылып, минивен келе жатқан қарсы бағытқа шығып кеткен.
2018-жылдың 18-қаңтарында Ақтөбе облысындағы Шымкент-Самара тасжолында Икарус автобусы өртеніп, салдарынан 52 Өзбекстан азаматы қаза тапқан еді. Олар Ресейге жұмыс істеуге бара жатқан.
Ақтөбе полициясының дерегінше, соңғы екі айда аймақта 69 жол апаты болған. 18 адам қаза тауып, 91 адам түрлі жарақат алған.
Фото: Интернеттен
