Атырау облысы бойынша мемлекеттік кірістер департаментінің басшысының орынбасары Әліби Бақытжановтың ес-түссіз күйге түсу жағдайы «Қаржылық мониторинг органдарының күні» мерекесін атап өту барысында болған ұрыс-жанжалмен байланысты болған. Бұл туралы КазТАГ жазды.
«28 қаңтарда Атырауда облыстық мемлекеттік кірістер департаменті өздерінің кәсіби мерекесін атап өтті. Олар мемлекеттік және құқық қорғау органдарының бірнеше қызметкерін шақырды. Алкогольдік сусындарды ішіп отырып, облыстық мемлекеттік кірістер департаментінің басшылығы шарадан кетуді шешті, себебі дастарқандағы әңгіме қызу пікірталасқа ұласқаны білінген. Олар бұл мәдени іс-шарадан кеткен соң, әріптестері қоңырау шалып, қайта оралуын сұраған, оларға әріптестеріне құрмет көрсету керек деген өтініш жасалды. Олар бұл өтінішті қабыл алып, департамент басшысы мен оның орынбасары қайта оралады. Сол кезде, прокуратура қызметкерлерінің бірі тарапынан, жоғары деңгейдегі дастарханға қатысып, облыстық қаржылық мониторинг департаментіне және басқа да лауазымды тұлғаларға құрмет көрсету қажеттігі туралы ескерту айтылған. Осыдан кейін сөз таласы мен төбелес болды. Алғашқы ақпаратта облыстық қаржылық мониторинг қызметкерлері туралы неге айтылмағаны белгісіз», дейді ақпарат көзі.
Айта кету керек, 28 қаңтарда Қазақстанда қаржылық мониторинг органдарының күні ресми мереке ретінде белгіленген.
Бұған дейін Әліби Бақытжановтың төбелестен кейін ес-түссіз күйде реанимацияға түскені хабарланған болатын. Оның ішінде прокуратура қызметкері Асқар Жанысбаев пен Атырау облысының мемлекеттік кірістер департаментінің басшысы Айдын Сауданбековтің де қатысуы мүмкін екені айтылды. Кейінірек қылмыстық іс қозғалып, Атырау облысы бойынша мемлекеттік кірістер департаменті басшысының орынбасары Әліби Бақытжановтың есінен танып қалу жағдайын тексеру бойынша прокуратура тергеу жүргізе бастағаны белгілі болды.
