Мамырдың екінші жексенбісінде Қазақстанда Аналар күні атап өтіледі, - деп хабарлайды Malim.kz тілшісі.
Үкіметтің 2023 жылы қол қойған қаулысына сәйкес, бұл мерекені тойлау күні қыркүйектен мамырдың екінші жексенбісіне ауыстырылған.
"Отбасылық құндылықтарды насихаттау, отбасы институтын және тәрбиені нығайту мақсатында көптеген елде тойланатын Ана күні мен Әке күні біздің елде де ресми мереке ретінде бекітілді", – делінген Қазақстан Үкіметінің 2023 жылғы хабарламасында.
Сол мәлімдемеде Әкелер күні елімізде маусымның үшінші жексенбісінде тойланатыны айтылған.
"Ана махаббаты – өмір бойғы қуаттың, қолдаудың және шабыттың көзі. Сіздердің арқаларыңызда бұл әлем мейірімге, жан жылуына толы бола түседі. Шын жүректен сіздерге мықты денсаулық, қуаныш, отбасылық бақыт пен жан тыныштығын тілеймін. Балаларыңыз жетістіктерімен қуантып, әрбір шаңырақта татулық пен махаббат орнасын", – деп құттықтады Қазақстандағы Адам құқықтары жөніндегі уәкіл Артур Ластаев.
Фото: Pixabay.com
