Жасөспірімдердің психикалық денсаулығын қалыптастыру және дамыту бағытындағы «Demeu 2.0» әлеуметтік жобасы аяқталды.
Әлеуметтік жоба қыркүйек-қараша айларында жүзеге асты. Жоба аясында Маңғыстау облысының білім беру ұйымдарындағы 450 маманның біліктілігін арттыру курстары өткізілді. Маңғыстау облысындағы 7 елді мекенде (2 қала, 5 аудан) тәжірибелі, кәсіби психотерапевт, психолог мамандарды, әлеуметтік педагогтарды, тәрбие ісі жөніндегі орынбасарлардың қатысуымен ата-аналармен семинар-тренингтер, консультациялар сериясы ұйымдастырылды.
Сонымен қатар, Маңғыстау облысының білім басқармасымен келісе отырып, қауіп-қатер тобындағы оқушыларға консультациялық көмек көрсетілді. «Суицидтің алдын алудағы ата-ананың рөлі», «Девиантты мінез-құлықтағы жасөспірімдермен қарым-қатынас», «Жасөспірімдер арасындағы өзіне-өзі қол жұмсаудың алдын алу» тақырыптарында 3 жиын өтіп, 1 әлеуметтік және 1 анимациялық бейнеролик даярланды.
Бұған қоса, жасөспірімдердің психикалық денсаулығын сақтауға және нығайтуға бағытталған 1 әдістемелік құрал дайындалды. «Қауіп-қатер тобындағы» жасөспірімдерге адрестік жұмыстар дажүргізілді.
Жобаға қолдау көрсеткен әріптестер мен серіктестерге, жергілікті атқарушы орган өкілдері мен қатысушы мамандарға алғыс білдіреміз!
