Мәжіліс депутаты Айдарбек Қожаназаров неге кейде орыс тілінде сөйлейтінін түсіндірді, деп хабарлайды Malim.kz kursiv.media сайтына сілтеме жасап.
Оның айтуынша, бұл – банктер мен кейбір мемлекеттік органдардың өкілдеріне өз ойын дұрыс жеткізу үшін қажет.
«Егер мен орыс тілінде сөйлейтін ортада болсам, орысша сөйлеймін. Мысалы, банктерде қызметкерлердің көбі осы тілді қолданады, себебі көптеген терминдер де орысша. Олар жұмыс топтарының отырысына келгенде, біз орысша сөйлесеміз – түсінікті болу үшін», – деді Қожаназаров Мәжіліс кулуарында.
Ол сөзін жалғастырып, баяндамаларының 90 пайызын қазақ тілінде жазатынын, алайда қажет болған жағдайда орыс тіліне көшетінін айтты – әсіресе, дұрыс түсінілу маңызды болғанда.
«Халқымыз бізді қазақша да түсінеді, ал сын айтып жүрген ведомстволар түсінбеуі мүмкін», – деп түсіндірді депутат.
Фото: «Respublika» партиясы
Байланысты жаналықтар
MalimBlocks
