Дін зерттеушісі еліміздегі мектептерде «яссауитану» пәні енгізілуіне қарсы шықты
Дін зерттеушісі Тұрарбек Құсайын Оқу-ағарту министрі Ғани Бейсембаевқа үндеу жолдап, мектепте «яссауитану» пәні енгізілуі заңға қайшы екенін айтты, деп хабарлайды Malim.kz.
Конституция, яғни Ата заңның әр бабы - бұлжытпай орындалуы тиіс маңызды құжат. Егер Ата заңда көрсетілгендей, мемлекет шынымен діннен бөлек болатын болса, онда аталмыш заңға ешбір меморган қарсы шықпауы керек! - деді ол facebook-парақшасында.
Тұрарбек Құсайынның айтуынша, оның орнына «фарабитану» пәнін енгізу қажет.
Оқи отырыңыз: Дін зерттеуші пітір-садақадан түскен ақшаны тасқын судан зардап шеккендерге аудару керек екенін айтты
Сізден діни қайраткер Қожа Ахмет Яссауидің діни жолын насихаттайтын «яссауитануды» мемлекеттік оқу орны боп табылатын мектептен шұғыл түрде алып тастап, оның орнына әлемде 2-ұстаз саналатын әл-Фараби бабамыздың ғылыми жолын тануға шақыратын «фарабитану» пәнін енгізуді өтініп сұраймын, - деді дін зерттеушісі.
Фото: интернеттен
