Аргентинада Диего Марадонаны емдеген дәрігерлер сот алдына келді, деп хабарлайды Malim.kz.
Оларға абайсызда кісі өлтіру және немқұрайдылық таныту арқылы науқастың өліміне себепші болды деген айып тағылды. Аңыз футболшы 2020 жылы 60 жасында қайтыс болған.
Сотқа нейрохирург, психиатр және медбике секілді жеті медицина қызметкері тартылған. Егер олардың кінәсі дәлелденсе, 25 жылға дейін бас бостандығынан айырылуы мүмкін.
Прокуратура футболшының өлімінен кейін дәрігерлер мен медициналық компания өкілдеріне қатысты тергеу бастаған.
Сот залына Марадонаның қыздары – Дальма, Джанина және Яна, сондай-ақ бұрынғы азаматтық жұбайы Вероника Охеда келді. Охеда 1986 жылғы әлем чемпионының бейнесі және әділдік деген жазуы бар футболка киіп отырды.
Марадона қайтыс болардан бірнеше апта бұрын нейрохирург Леопольдо Луке оның миынан тромбты алып тастау операциясын жасаған.
Сотталушылар қатарында психиатр Агустина Косачова, психолог Карлос Диас, медициналық компания үйлестірушісі Нэнси Форлини, дәрігер Мариано Перрони, жалпы практика дәрігері Педро ди Спанья және медбрат Рикардо Альмирон бар.
Ал медбике Дахияна Гизела Мадридтің ісі жылдың соңында сот алқасының қарауына берілмек.
Айыптаушы тарап медицина қызметкерлері Марадонаға тиісті ем-дом көрсетпегенін алға тартып отыр.
Фото: Instagram/maradona
Байланысты жаналықтар
MalimBlocks
