Орал қаласындағы Жайық суы 10 сантиметрге көтерілген

Салдарынан өзен суының деңгейі 858 сантиметрге жетіп, қауіпті шектен асқан. Бұл туралы «Қазгидромет» РМК хабарлады.

Жайық суы Ақжайық ауданы, Тайпақ ауылында 7, Бәйтерек ауданы, Январцев маңында 2 сантиметрге көтерілген. Ал Көшім каналы 1 сантиметрге, Чувашин ауылындағы Шаған өзенінің деңгейі 9 сантиметрге жоғарылаған.  

Төтенше жағдайлар министрлігі өкілдері түні бойы жұмыс істеп, бөгеттер тұрғызған. Ал 21-сәуірде су астында қалған Орал маңындағы саяжай тұрғындары қауіпсіз жерге көшірілген.

Фото: ҚР ТЖМ