Еңбек және халықты әлеуметтік қорғау министрлігі алты жаңа кәсіби мерекені бекітуді ұсынды. Құжат 2025 жылғы 10 маусымға дейін жария талқылауға шығарылды, деп хабарлайды Malim.kz.
Еңбек және халықты әлеуметтік қорғау министрлігі 2023 жылғы 29 маусымдағы №258 бұйрыққа өзгеріс енгізуді көздейтін жаңа бұйрық жобасын әзірледі. Құжатқа сәйкес, Қазақстанда алты жаңа кәсіби мереке бекітілуі мүмкін.
Бұйрықтың жобасы 2025 жылғы 10 маусымға дейін “Ашық НҚА” порталында жария талқылауға ұсынылған.
Ұсынылып отырған кәсіби мерекелер тізімі:
• 31 қаңтар – Қазақстан кәсіпкерлері күні
• 7 шілде – Қолөнершілер күні
• 9 шілде – Табиғи монополиялар саласы жұмыскерлерінің күні
• 15 қыркүйек – Санитариялық-эпидемиологиялық қызмет жұмыскерлерінің күні
• 12 қазан – Кадр қызметі жұмыскерлерінің күні
• 20 қазан – Қоғамдық тамақтандыру саласы жұмыскерлерінің күні
Сонымен қатар, Энергетиктер күнін бұрынғыдай желтоқсанның үшінші жексенбісі емес, 22 желтоқсан күні атап өту ұсынылған.
Министрлік бұл бастамаға түрлі салалық уәкілетті органдардан түскен ұсыныстар негіз болғанын мәлімдеді.
Фото: gov.kz
